Home > राजनीति > चैतको पहिलो सातामात्र मन्त्रिपरिषद्को पूर्णता

चैतको पहिलो सातामात्र मन्त्रिपरिषद्को पूर्णता

फाल्गुन २६, नेकपा (एमाले) का सचिव योगेश भट्टराईले आगामी चैतको पहिलो सातामा मात्र सरकारले पूर्णता पाउने बताउनुभएको छ ।

प्रतिनिधिसभाको आजको बैठक शुरुअघि पत्रकारसँग कुरा गर्दै उहाँले प्रधानमन्त्री केपी शर्मा ओलीले तराई केन्द्रित दललाई पनि सरकारमा ल्याउन पहल जारी राख्नुभएको तथा राष्ट्रपति÷सभामुख पदको निर्वाचन पनि यसैबीचमा भएकाले मन्त्रिपरिषद् विस्तारमा ढिलाइ भएको बताउनुभयो ।

“सरकारलाई राष्ट्रियस्वरुप दिन अन्य दललाई पनि समेटेर लैजान हामी खोजिरहेका छौँ, तराई केन्द्रित दलले माग गरेको संविधान संशोधनमा हामी जनताको हित र आवश्यकताका आधारमा लचिलो हुन तयार छौँ,” सचिव भट्टराईले भन्नुभयो, “हामी राष्ट्रपति÷सभामुखमा सकेसम्म सर्वसम्मत र नभए धेरैभन्दा धेरै मत आओस् भनेर अरु दलसँग परामर्शमा छौँ ।”

पार्टी एकता वैशाख ९ गते

सचिव भट्टराईले नेकपा (एमाले) र नेकपा (माओवादी केन्द्र)बीचको एकता सम्भवतः आगामी वैशाख ९ गते नेपाल कम्युनिष्ट पार्टी स्थापना दिवसका दिन गर्ने गरी दुई पार्टीबीच छलफल भइरहेकोे जानकारी दिनुभयो ।

दुई पार्टीबीच एकताका लागि गठित कार्यदलले काम गरिरहेको पनि उहाँले बताउनुभयो । रासस
–––


Comments