साउदी अरेबियाका खेलाडी चढेको विमानमा आगलागी, खेलाडी सुरक्षित

विश्वकप खेलमा सहभागी हुन रुसको शहर रोस्तोभ–अन–डोन जाँदै गरेका साउदी अरेबियाका खेलाडी चढेकाे विमानमा अागलागी भएकाे छ । विश्वकपमा उरुग्वेसँगको खेलका लागि रूस जान विमानमा सवार खेलाडी तथा खेल पदाधिकारी भने सुरक्षित रहेकाे जनाइएकाे छ ।

साउदी नेशनल टिमकाे ट्विटरमा जनाइए अनुसार विमानको इन्जिनमा आगलागी भएको थियाे । तर सबै खेलाडीहरू सुरक्षित रूपमा रूस पुगिसकेकाे जनाइएकाे छ ।

साउदी अरेबियाले बुधबार हुने आफ्नो दोस्रो खेलमा उरुग्वेसँग खेल्ने कार्यतालिका रहेकाे छ । समूह ए मा रहेको साउदी उद्घाटन खेलमा आयोजक रुससँग पराजित भएको थियो ।