हेटौडामा जारी कांग्रेस जिल्ला सभापतिको भेलामा आजदेखि बन्दसत्र सुरु

नेपाली कांग्रेस जिल्ला सभापतिको भेलामा आजदेखि बन्दसत्र

असार ६, हेटौडामा जारी नेपाली कांग्रेसको जिल्ला सभापतिहरुको भेलामा (आज) बुधबारदेखि बन्दसत्र सुरु हुने भएको छ । मंगलबारदखि सुरू भएको भेलाको बन्दसत्र अहिले केहिछिनपछि सुरु हुने भएको छ ।

विधान संशोधनका लागि राय सुझाव संकलनका लागि डाकिएको राष्ट्रिय भेलामा ७७ जिल्लाका सभापतिहरूले आफ्ना धारणा राख्ने भएका छन् । संघीय संरचना अनुसारको पार्टी विधान बनाउनका लागि सभापतिहरुको राय संकलन हुने छ ।

भेलाबाट पारित निर्णयलाई भदौमा हुने महासमिति बैठकले अनुमोदन गर्ने भएको छ । संघीयतापछि कांग्रेसको संगठन सोही अनुरूप गठन हुन विधानले रोकेको छ ।

बन्द सत्रमा संस्थापन पक्ष ७ प्रदेशबाट प्रतिनिधिमुलुक धारणाको लागि समय दिएर भेला छोट्याउने पक्षमा छ भने संस्थापन इतर समूह सबै जिल्लाका पार्टी सभापतिहरूले बोल्न पाउनुपर्ने माग गरिरहेका छन् ।

स्थानीय तहको अवस्था जिल्ला सभापतिहरूले राख्न नपाए भेलाको औचित्य नहुने जिल्ला सभापतिहरुको भनाई छ । radionrn