धमलाकी पत्नी एलिजा गौतम परिन दुर्घटनामा, यस्तो छ पछिल्लो अवस्था !

आगामी साउन २५ गते प्रदर्शनीमा आउन लागेको नेपाली कथानक चलचित्र ‘अनुराग’की नायिका एलिजा गौतम (ऋषी धमला पत्नी) बाईक दुर्घटनामा परेकी छन् ।

काठमाडौंको गैरीधाराबाट लाजिम्पाट जाने क्रममा बुधवार अपरान्ह ४ बजे बा ९२ प ९०७२ नम्बरको बाईक दुर्घटनामा परि घाईते भएकी गौतमलाई उपचारको लागि धापासी स्थित ग्राण्डी ईन्टरनेश्नल हस्पिटलमा लगिएको आफन्तले जानकारी दिएका छन् ।

सुजन आचार्यले चलाएको उक्त बाईकमा नायिका गौतम सवार थिईन् । आचार्यले पोष्ट गरेको फेसबुकमा भनिएको छ,‘ठूलो दुर्घटनाबाट बाँच्न सफल भयौं हामी (म र एलिजा दि) लाजिम्पाट घर जाने क्रममा दुर्घटना भयो ।’ उनले लेखका छन् ‘ बाईक मैले चलाएको थिएँ ।

बाटो काट्न लागेको गाईलाई जोगाउन खोज्दा बाईकको ब्रेकले काम गरेन र बाईक ईस्पिडमा थियो, इस्पिड कन्ट्रोल गर्न सकिन र दुर्घटना हुनपुग्यो । दिदिको अवस्था गम्भिर छ र मैले हस्पिटल लिएर आको छु, धन्न बाँच्न सफल भयौं । नयाँ जीन्दगी पायौं आज ।’