धरानका मेयर तारा सुब्बाको उपचारको क्रममा निधन

साउन १, नेपाल कम्युनिष्ट पार्टीका नेता तथा धरान उपमहनगरपलिकाका मेयर तारा सुब्बाको उपचारको क्रममा सुब्बाको ग्राण्डी अस्पतालमा निधन भएको छ । ५२ वर्षीय सुब्बाको उपचारका क्रममा आज दिउसो १ बजे काठमाडौंको धापासीस्थित ग्रान्डी अन्तर्राष्ट्रिय अस्पतालमा निधन भएको हो ।

उनि दुईसाताबाट उपचाररत थिए । मेयर सुब्बालाई छातीमा निमोनियाको इन्फेक्सन भएको थियो । सुब्बालाई एक सातासम्म आईसीयुमा राखेर नर्मल बेडमा सारिएको थियो ।

विगतमा मृगौला प्रत्यारोपण समेत गरिएको हुनाले सुब्बाको शारीरिक अवस्था कमजोर रहेको थियो । स्थानीय चुनावमा उहाँले कांग्रेसका उम्मेदवार तिलक राईलाई ४ हजार भन्दा बढी मतले हराएक थिए ।

२०४० सालमै अनेरास्ववियू नगर कमिटी सदस्य बनेका सुब्बा २०४७ सालपछि भने युवा संघको राजनीतिमा प्रवेश गर्नुभएको थियो । त्यसबेला युवा संघलाई प्रजातान्त्रिक राष्ट्रिय युवा संघका नामले चिनिन्थे ।

सुब्बा संघको नगर कमिटीपछि जिल्ला कमिटी संयोजक हुदै २ पटक जिल्ला अध्यक्ष, २ पटक केन्द्रीय सदस्य पनि बनेका थिए । सुब्बाका श्रीमती र एक छोरा रहेका छन् ।