‘धडक’ को दुई दिनको कमाइ १९ करोड

एजेन्सी । फिल्म ‘धडक’ को कमाई राम्रो भइरहेको छ । फिल्ममा स्वर्गिय भारतीय अभिनेत्री श्रीदेवीकी छोरी जान्वी कपूर र नायक ईशान खट्टरले अभिनय गरेका छन् ।

गत शुक्रबारबाट प्रदर्शनमा आएको यो फिल्मले शुक्रबार र हिजो शनिबार गरेर १९ करोड ७५ लाख कमाई गरिसकेको छ । रिलीजको पहिलो दिन ८ करोड ७१ लाखको कमाई गरेको फिल्मले शनिबार ११ करोड ४ लाख हातमा पारेको भारतीय मिडायले जनाएको छ । भारतमा आज छुट्टीको दिन भएकोले फिल्मले अझ बढी कमाई गर्ने भारतीय ट्रेड एनालिस्टहरुको बिश्लेषण छ ।

शशांक खैतानको लेखन तथा निर्देशन रहेको फिल्मलाई करण जोहर, हिरो यश जोहर र अपूर्व मेहताले निर्माण गरेका हुन् । फिल्म ७० करोडको लगानीमा निर्माण भएको हो । फिल्ममा जाह्नवी र इसानको अलावा आशुतोष राणा,अपरसक्ती खुराना लगायत कलाकारहरू छन् ।