एलियनको कथामा आधारित, बन्ने भो नेपाली फिल्म ‘एलियन्स’

साउन ९, नेपाली फिल्ममा पहिलेको भन्दा धेरै नै फरक स्वाद र नयाँ पन देख्न थालिएको छ । अव नेपाली फिल्म मै नयाँ पन फेरी पनि देख्न पाईने भएको छ । इतिहासमै पहिलो पटक एलियन अर्थात अन्तरिक्ष मानवको कथामा फिल्म बन्ने भएको छ ।

हलिउड बलिउडमा धेरै बन्ने गएको यस प्रकार फिल्म नेपालमा भने नौलो प्रयोग हो । ‘एलियन्स’ नाम राखेर चलचित्र निर्माण गरिनेछ भने यसको लागत १० करोडको हुने बुझिएको छ ।

लोकनाथ गौतमले निर्देशन गर्ने चलचित्रको यतिबेला स्क्रिप्ट र लोकेशन हेर्ने काम भइरहेको छ । एलियनको बारे २ वर्षको रिसर्च पश्चात् चलचित्र बनाउन लागेको निर्देशक गौतमले बताए ।

एलियनको कथा भएका कारण अधिकांश दृश्य एनिमेशन र भिएफएक्स गर्नुपर्ने भएकाले चलचित्रको लागत अत्याधिक हुने निर्देशक गौतमको अनुमान रहेको छ । उच्च मेकिङका लागि भारतबाट प्राविधिक ल्याउने तयारी भइरहेको छ ।

नेपाली चलचित्र पनि स्तरिय बन्नु पर्ने र नेपाली चलचित्रलाई पनि अन्तराष्ट्रिय मार्केटमा प्रतिस्पर्धा गर्न सक्ने बनाउने लक्ष्यका यो चलचित्र निर्माण हुन लागेको हो ।

कलाकार र बाँकी टिमसहित छिट्टै चलचित्रको औपचारिक निर्माण घोषणा निर्देशक गौतमले जानकारी दिए । गौतमले यसअघि ‘रोमान्स’ र ’लभ इज लाइफ’ चलचित्र निर्देशन र निर्माण गरेका थिए ।