‘कुटुमा कुटु’ पछि फेरी एकसाथ निश्चल र स्वस्तिमा, क्रिस्टल क्लज डान्स क्रिउसँगै ‘नाचे फिरिरि (भिडियो)

निर्देशक तथा कलाकार निश्चल बस्नेत र नायिका स्वस्तिमा खड्का अभिनित ‘नाच फिरिरी’ बोलको गीतको भिडियो सार्बजनिक भएको छ । बिभिन्न समयमा यो जोडी एक साथ चलचित्रको पर्दामा आउने कुराले चर्चा पाईरहेको हुन्छ ।

अन्तत यो जोडिले पहिलो पटक म्युजिक भिडियोमा एकसाथ काम गरेका छन् । यस अघि फिल्म दुई रुपैयाको गीत ‘कुटुमा कुटु’ मा देखिएको यो जोडी फेरी ‘नाच फिरिरी’ मा आएको छ। ‘कुटुमा कुटु’ को भिडियो रिलिज भएको एक वर्षमा युट्यूबमा सात करोड भन्दा धेरै पटक हेरिसकिएको छ ।

जि २१ डिजिटलको प्रस्तुती रहेको गीतमा महेश काफ्ले र मेलिना राईको स्वर रहेको छ । महेश काफ्लेको शब्द संगित रहेको गीतलाई रिकेश गुरुङ किजले म्युजिक एरेन्ज गरेका हुन् । पोखरा आसपासका बिभिन्न स्थानमा छायांकन गरिएको भिडियोलाई निश्चल बस्नेत आफैले निर्देशन गरेका छन् ।

भिडियोमा निश्चल र स्वस्तिमाको साथमा क्रिस्टल क्लज डान्स क्रिउ फिचर भएका छन् । जिटुवान डिजिटलको आधिकारिक युट्युब च्यानलमार्फत गित सार्बजनिक गरिएको हो । हेर्नुस भिडियो;