प्रधानमन्त्री केपी शर्मा ओली राजिनामा देउ भन्दै युएई सहित विश्वका ३० देशमा ओली सरकारविरुद्ध प्रदर्शन सुरु

नेपाली कांग्रेसले नेकपाको नेतृत्वमा रहेको सरकारविरुद्ध देश विदेशबाट प्रहार गर्न थालेको छ । विदेशमा रहेका नेपालीका कांग्रेसका जनसम्पर्क समितिले सरकारको विरोध गर्न थालेका छन् । नेपाली कांग्रेसको जनवर्गीय संगठन नेपाली जनसम्पर्क समिति, युएईले केपी शर्मा ओली नेतृत्वको सरकारको विकल्प मागेको छ ।

अब सरकारको बिकल्प खोज्नपुपर्ने बेला आएको जनवर्गीय संगठन नेपाली जनसम्पर्क समिति, युएईले बताएको छ । अहिलेको सरकारले जनताको चासो संवोधन गर्न नसक्ने बताउँदै अब चाँडै विकल्प खोज्न आवश्यक रहेको बताएको हो । नेपाली कांंग्रेसले विभिन्न ३० वटा मुलुकबाट ओली सरकारविरुद्ध लाग्न उर्दी जारी गरेको छ ।

समितिका युएई अध्यक्ष खेमराज बस्नेतले विज्ञप्तिमार्फत सरकारले अबैधानिक रुपमा काम गरीरहेको आरोप लगाएका छन् । उनले संबैधानिक निकायलाई कार्यकारीको अधिनमा राख्ने काम गरेको पनि दाबी गरेका छन् । सरकारलाई पार्टीका रूपमा संचालन गर्ने, कर्मचारीतन्त्र तथा सुरक्षा निकायलाई ब्यबसायिक रुपमा सन्चालन गर्नुको सट्टा पार्टीको प्रतिबद्धताका आधारमा चलाउने काम वर्तमान सरकारले गरेको जनसम्पर्क समितिलेको भनाइ छ ।

मिर्गौला रोग, स्पाइनल इन्जुरी, क्यान्सर तथा मुटुरोगका बिरामीहरुलाई मासिक पाँच हजार रुपैयाँ जिवीकोपार्जन भत्ता दिने ब्यबस्था गर्न जनसम्पर्क समितिले माग गरेको छ । साथै, भूकम्प पीडितहरुलाई थप एक लाख राहत दिने तथा बृद्धभत्ता सम्बन्धी गरिएका पूर्ववर्ति सरकारको निर्णयलाई खारेज गर्ने वर्तमान सरकारको निर्णयको नेपाली समितिले निन्दा गरेको छ ।