फेरी आयो दुर्घटनाको खबर,पोखराबाट बाग्लुड जाँदै गरेको बस पर्वतको बेतनीमा दुर्घटना,१५ जना घाइते, ६ को अवस्था गम्भीर

साउन,२१/ पोखराबाट बाग्लुङको लागि छुटेको बस पर्वतको बेतनीमा दुर्घटना भएको छ। पोखराबाट बिहान बाग्लुङको लागि छुटेको ग १ ख ५५९८ बस पर्वतको मोदी गाउँपालिका वडा नं ६ बेतनीमा दुर्घटना भएको हो।

दुर्घटनामा परी १५ जनाभन्दा बढी यात्रु घाइते भएको जिल्ला प्रहरी कार्यलय पर्वतले जनाएको छ। प्रहरीका अनुसार घाइतेमध्ये ६ जना यात्रुको अवस्था गम्भीर छ। बाँकीको सामान्य रहेको प्रहरीले जनाएको छ।

गम्भीर घाइतेलाई उपचारका लागि पोखरा ल्याइएको छ। अन्य घाइतेलाई पर्वत जिल्ला अस्पताल लगिएको छ।

बस सडकबाट ३० मिटर तल खेतमा खसेको छ। दुर्घटनाको कारण खुल्न नसकेको प्रहरीले जनाएको छ।