आजको राशिफल : वि.सं.२०७५ साल साउन २५ गते । शुक्रबार

मेष राशिः

मेष राशि हुनेहरुको लागि अाजको दिन अर्थकर छ । शरीरमा स्फुर्ति र काममा रुचि बढ्ने, स्वजनबाट मद्दत मिल्ने, समस्याको निकास निस्कने र दैनिकी व्यवसायबाट केही लाभ गर्नसकिने छ । आज ठूलो उपलब्धि खोज्नु भन्दा पनि भौतिक कर्म सम्पादनलाई प्रार्थमिकता दिनु बुद्धिमानी हुनेछ । जसबाट पछि लाभ उठाउन सकिनेछ । आँट साहासपूर्वक कुनै कार्यको लागि पूर्वतयारी पूरा गर्ने जस्ता कार्यमा मन दिनु उचित हुनेछ । दुई अङ्क, सेतो तथा ध्वाँसे रङ्गको प्रयोग र गुरु गणपतिको आराधना गर्नु उपयुक्त हुनेछ ।

वृष राशिः

वृष राशिका व्यक्तिहरुको लागि अाजको दिन सुधारोन्मुख एवं अनुकूलप्रद देखिएको छ । पेशा एवं व्यवसायिक क्षेत्रमा राम्रो उन्नती हुनसक्ने छ । संसर्गी एवं कार्यक्षेत्रमा सौहार्दतापूर्ण वातावरण बन्ने छ । शुभेच्छुकहरु बढ्ने छन् भने राजनीति वा समाजसेवामा जिम्मेवारी तथा पदीय हैसियत थपिन सक्ने छ । वचस्व स्थापित हुनेछ । ईष्टकार्यको लागि उत्तम अवसर मिल्नेछ । अवसरको सदुपयोग गर्नाले राम्रो उपलब्धि हातपार्न सकिनेछ । उच्च वर्गसँग सम्बन्ध विस्तार हुनसक्ने सम्भावना पनि देखिएको छ जसको सदुपयोग गर्नक्नु बुद्धिमानी हुनेछ । अाज तपाईँले मान्यजनको दर्शन भेट् र आर्शिवाद लिनु उपयुक्त हुनेछ ।

मिथुन राशिः

मिथुन राशिका व्यक्तिहरुको लागि अाजको दिन नखाएको विषलाग्न सक्ने, कामकार्यमा कमजोरी देखाउने तथा आफू माथिको निकायमा सिकायत गर्ने तत्त्व क्रियाशील हुने सम्भावना छ । तथापि केहीहद्सम्म काममा सफलता र व्यवसायिक लाभ मिल्नेछ । धार्मिक क्षेत्र तथा सन्तजनप्रति मनमा जागेको सन्देह वा नकारात्मक विचार हटाउने अवसर प्राप्त हुनेछ । कामकार्यमा अवमूल्यनबाबजुत पनि नतिजा संतोषप्रद ल्याउनसकिने छ । साविकभन्दा अल्लि बढी परिश्रम एवम् संघर्षले पेशा एवम् व्यवसायको क्षेत्रमा प्रगति गर्नसकिने छ र आर्थिक लाभ पनि हुनसक्नेछ । तीर्थादिको भ्रमणजन्य स्थितिलाई पनि गोचरले लक्षित गरिरहेको छ । यहाँले अाज धार्मिक क्षेत्रलाई सहयोग गर्नु शुभकर हुनेछ ।

कर्कट राशिः

कर्कट राशिका व्यक्तिहरुको लागि अाजको दिन गोचर त्यति अनुकूल देखिएको छैन । स्वास्थ्यमा प्रतिकूलता आउनसक्ने तथा औषधोपचारमा खर्च बढ्नसक्ने छ । त्यस्तै कार्यमा बाधाब्याबधान आइलाग्ने तथा ठूलो श्रम खर्चनुपर्ने हुनसक्ने छ । ईज्जत–प्रतिष्ठामा चुनौती थपिनसक्ने छ भने विरोधिपक्षसँग पनि सावधानी रहनु पर्नेछ । मानसिक चञ्चलता र वैगुणी प्रेमसम्बन्धको यादगारले सताउनसक्ने छ । आवश्यकभन्दा बढी सरोकार राख्नाले नसो“चेको झमेलामा फसिन पनि सक्ने छ ख्याल पुर्याउनु पर्ला । उपर्युक्त प्रतिकूलताको बाबजुत मानसिक एकाग्रतापूर्वक आफ्नो कार्यलाई समय दिनाले आकस्मिक रुपमा केही उपलब्धि एवं लाभ पनि हुनेछ । भगवान श्री गणपतिको स्तुति शुभकर हुनेछ ।

सिंह राशिः

सिंह राशि हुनेहरुको लागि आजको दिन जीवनसाथी तथा प्रेमीको सहयोगी भूमिकामा बृद्धि हुनेछ । विवाह वा प्रेमी सम्बन्धको चर्चा एवं वातावरण बन्नसक्ने छ । देश परदेशको यात्रा हुनसक्ने सम्भावना छ । पेशा तथा व्यापार व्यवसायबाट आर्थिक लाभ हुनसक्ने छ । सामाजिक प्रतिष्ठामा बढ्ने र मानसम्मान प्राप्त हुनेछ । कृषिकर्मीको लागि पनि दिन उपलब्धिमूलक रहनेछ । राजनीतिक कर्मीको लागि जिम्मेवारी मिल्नसक्ने छ । आ“टसाहस बढ्ने, रमाइलो वातावरण सृजना हुने, आफन्तिको शुभसमाचार सुन्न पाइने र मनमा शान्ति एवं अमनचैन हुनेछ ।आज सात अङ्क, सेतो रङ्गको उपयोगिता र उपहार व्यवहार तपाईँको लागि फाइदाप्रद हुनेछ ।

कन्या राशिः

कन्या राशि हुनेहरुको लागि आजको दिन अनुकूल एवम् सफलता दिने खालको रहनेछ । अवसर तथा समयको सदुपयोग गर्नाले प्रतिस्पर्धामा अग्रता लिनसकिने छ । स्वकार्यबाट पनि राम्रो उपलब्धि गर्न सकिने छ । जागिर आदि पेशाको क्षेत्रमा पनि तपाईको कार्यको प्रशंसा मिल्नेछ । आजको दिन व्यापार व्यवसायीको लागि बढी उपलब्धिकर हुनसक्ने छ भने खेलकुदकर्मीलाई पनि महत्त्वपूर्ण रहनेछ । अाज यहाँलाई हरियो रंग, छ अंक अनुकूल रहने छ भने विपक्षिलाई रणनीतिक तरिकाले सम्मान गर्न जानेमाकुटनैतिक रुपमा फाइदा लिनसकिने छ त्यस्तै गणेशभगवानको आराधना गर्नु विशेष शुभकर हुनेछ ।

तुला राशिः

तुला राशिहुनेहरुको लागि अाजको दिन केही ख्याल पुर्याउन पर्ने समय छ । आत्मप्रशंसाको आसक्ति एवम् विद्वतताको अहं तथा अनाबश्यक फुतिफार्तिले आफैलाई हलुङ्गो बनाउनसक्ने छ । फगतको विषयान्तर चर्चाले आफ्नै कामकार्यमा बाधापुग्ने साथै अन्तिममा पछुतो हुनसक्ने छ । तथापि दैनिक व्यवसाय आदिबाट आंशिक लाभ गर्न सकिने नै छ भने केही बढी परिश्रम तथा संघर्ष पछि पूरा गर्न खोजेको कार्य अघि बढाउन सकिनेछ । अाज यहाँको लागि पाँच अङ्क, रातो–सेतो र पहेंलो रङ्गको प्रयोग एवम् भगवान गणेश एवं हनुमानवीरको भक्ति तथा सेवा गर्नु शुभप्रद हुनेछ ।

वृश्चिक राशिः

वृश्चिक राशिहुने व्यक्तिहरुको लागि अाजको दिन बोली व्यवहारमा केही सावधानी अप्नाउनु पर्नेछ । वादविवाद तथा मनमुटाव जन्य प्रतिकूलताको सम्भावना रहेकोले होसियारी पुर्याउन जरुरी देखिन्छ । मानसिक सोँचमा पनि संकिर्णता बढ्नसक्ने छ भने स्वास्थ्यमा पनि केही मन्दि आउनसक्ने छ । पारिवारिक समस्या थपिने र गर्नलागेको काममा विलम्ब हुने सम्भावना देखिन्छ । धैर्यतापूर्वक सकारात्मक भावनाले आफ्नो कार्यक्षेत्रमा खटिरहनाले केही लाभ भने गर्नसकिने छ । अाज चार अंक, सेतो रङ्गको प्रयोग यहाँको लागि उपयुक्त हुनेछ । भोलि यहाँलाई सिद्धिविनायक गणेशभगवानको आराधना र आमा वा आमासमानकी मातृशक्तिको आर्शिवादले विघ्नबाधा हटाउन मद्दत गर्नेछ ।

धनु राशिः

धनु राशि हुनेहरुको लागिआजको दिन पराक्रम बढ्ने स्फुर्तिकर ग्रहगोचर परेकको दिन छ । आज समयको सदुपयोग गर्नसकेको खण्डमा केही महत्त्वपूर्ण कामकार्य सम्पादन गर्न सकिनेछ । आँटेताकेको कामकार्यमा सफलता हातपार्न सकिनेछ भने स्वजनहरुबाट पनि सहयोग मिल्नेछ । दैनिक रुपमा सञ्चालित पेशा एवम् व्यवसायको क्षेत्रमा ग्रहको प्रभाव ठिकै रहेको छ । केही महत्त्वाकांक्षी नविन कार्ययोजना पनि बन्नसक्ने छ । नियमित व्यवसायबाट राम्रै लाभ हात पार्नसकिने छ ।अाज यहाँले तीन अङ्क, हरियो रङ्गको उपयोग र गुरुगणपतिको सेवाश्रद्धा तथा शक्ति जागरण गर्नु शुभकर हुनेछ ।

मकर राशिः

मकर राशिहुने व्यक्तिहरुको लागि अाजको दिन सामानयतया सकारात्मक मान्नसकिन्छ । तथापि केही अदृष्य रोकावटको सामना गर्नपर्ने तथा विरोधाभाष स्थितिको सामना गर्नपर्ने गोचर देखिएको छ । बोलीवचनले खासै महत्त्व नपाउनसक्ने पछि छ । आर्थिक क्षेत्रमा केही संघर्षको सामना पछि अनुकूल हुनेछ । परोपकार एवम् समाजसेवाका कार्यमा पनि सरिक हुने मौका मिल्नसक्ने छ । नाता–कुटुम्बिक सम्बन्धमा भने अल्लि संयमपूर्वक व्यवहार गर्नु पर्ला । सञ्चित धनको अपव्यय हुनसक्ने छ ख्यालपुर्याउनु होला । अाज तपाईको लागि दुई अंक, सेतो रंगको प्रयोग शुभ रहने छ भने भगवान श्री गणेशजीको सेवाश्रद्धा एवं भक्तिभाव गर्नु हितप्रद हुनेछ ।

कुम्भ राशिः

कुम्भ राशिका व्यक्तिहरुको लागि अाजको दिन आकर्षण बढ्नाले मान्छेहरु प्रभावित हुने छन् । मानप्रतिष्ठामा बढोत्तरी हुने, स्वादिष्ट भोजनको अवसर मिल्ने, केही धनार्जन पनि हुने र भौतिक सुख मिल्ने छ । नया“ पेशा एवम् व्यवसायको बारेमा विचार मन्थन हुनसक्ने छ । औपचारिक गोष्ठी–कार्यक्रम आदिमा संलग्नताको अवसर पनि देखिएको छ । पारिवारिक–साथीभाईबाट सहयोग र लाभ एवं सन्तोष मिल्ने दिन छ ।अाज यहाँलाई यहाँको लागि एक अंक, रातो रङ्ग उपयुक्त हुनेछ भने भगवान गुरुगणपतिको दर्शनभक्ति हितकर हुनेछ ।

मीन राशि:

मीन राशिका व्यक्तिहरुको लागि अाजको दिन अनपेक्षित रुपमा विभिन्न खालका अपजशको सामना गर्नपर्नसक्छ । एकाएक खर्चमा बृद्धि हुने र गर्जोटार्न धौधौपर्ने तथा नहुनेकाममा मनजाने सम्भावना छ । अगाडि सारिएको काममा बाधाबिघ्नता आयो भन्दैमा हतास भइहाल्न भने परिहाल्दैन, संघर्ष एवम् अधिक परिश्रमले अपेक्षा गरिएको क्षेत्रमा थोरैलाभ हुनसक्ने छ । बरु नसोँचिएको काम बन्ने र आकस्मिक रुपमा केही अर्थोपार्जन हुने तथा साथ सहयोग पनि मिल्नेछ । मठमन्दिरको दर्शन, तीर्थको यात्रा एवम् मान्यजन भेट्घाट आदिमा खर्चको सदुपयोग गर्नु उपयुक्त हुनेछ । भगवान गणेशजीको दर्शन भक्ति उत्तम हुनेछ ।