विराटनगर महानगरपालिकामा मेयर पराजुलीको कार्यकक्ष अगाडि बम विष्फोट

साउन २७, विराटनगर महानगरपालिकाका मेयरको कार्यकक्ष अगाडि बम विष्फोट भएको छ । मेयर भीम पराजुलीको कार्यकक्ष बाहिर आइतबार दिउँसो बम विष्फोट भएको जिल्ला प्रहरी कार्यालय मोरङले जनाएको छ ।

बम विस्फोटबाट त्यहाँ राखिएका सोफा र सीसाहरूमा क्षति पुगेको मोरङका एसपी मनोज केसीले बताए । बस विस्फोटबाट एक जना घाइते पनि भएका छन् । उनलाई उपचारका लागि अस्पताल लगिएको छ ।

विस्फोटका कारण अहिले स्थानीयबासी, सेवाग्राही र कर्मचारीहरु त्रसित छन् । भवनलाई प्रहरीले घेरामा राखेको छ । बम कसले किन विष्फोट गराएको हो भन्ने खुलेको छैन । प्रहरीले घटनाको अनुसन्धान भइरहेको जनाएको छ ।