दुई सातामै ‘पहिलो नम्वरमा’ लाई पचास लाख, युट्युवमा बन्यो नयाँ रेकर्ड !

साउन ३०, सुपरहिट सिरिज ‘छक्का पञ्जा’ को तेस्रो शृंखलाको पहिलो गीतले युट्युवमा नयाँ रेकर्ड बनाएको छ । अपलोड गरेको दुई सातामै पचास लाख भ्युज कमाउँदै छोटो समयमा सर्वाधिक भ्युज पाउने पहिलो गीत बन्न सफल भएको हो ।

दीपक शर्माको संगीत रहेको सार्वजनिक ‘पहिलो नम्बरमा’ बोलको गीतको शब्द राजेन्द्र थापाले लेखेका हुन् । स्वर डेभिड शंकर र विन्दु परियारको छ ।

कविराज गहतराजको कोरियोग्राफी रहेको गीतको भिडियोमा दिपकराज गिरी, दीपिका प्रसाईं, दिपाश्री निरौला, प्रियंका कार्की, जितु नेपाल, केदार घिमिरे, बर्षा राउत, बुद्धि तामाङ, स्वस्तिमा खड्का, सुमन गिरी (भान्जा) र संजोग कोइराला नाचेका छन् ।

गीतलाई पुरुषोत्तम प्रधान र मानकृष्ण श्रेष्ठले संयूक्त रुपमा खिचेका हुन् । यस सिरिजका ‘पुर्व पश्चिम रेल’ ‘देखन चम्पाु, ‘ए दाजुु’ ‘म यता किनारामा’ गीत सर्वाधिक हिट छन् ।

दीपाश्री निरौला निर्देशित ‘छक्का पञ्जा ३’ को ‘पहिलो नम्बरमा’ बोलको गीत पनि पहिलाको झैँ लोक लयमा तयार पारिएको छ भने फिल्म दशैंमा प्रदर्शन हुँदैछ । दर्जन बढी कलाकार नाचेको गीत यस्तो छ । हेर्नुस भिडियो;