चलचित्र ‘रोजी’मा प्रदिपको चार चरित्र

चलचित्र ‘रोजी’ भदौ २२ गतेबाट देशभर प्रदर्शनमा आउन लागेको छ । चलचित्र ‘रोजी’मा अभिनेता प्रदिप खड्कालाई चार फरक फरक अवतारमा प्रस्तुत गरिएको छ । निर्माण टिमले सार्वजनिक गरेको तश्बिरमा उनले एउटै फिल्मभित्र चारवटा चरित्र निर्वाह गरेको प्रस्ट देखिन्छ ।रोजी निर्माण टिमले एक्सक्लुसिभ क्यारेक्टर लुक्स आउट गर्दै प्रदीप चरित्रलाई सार्वजनिक गरेका हुन् । तस्विरमा सोझा युवक, विद्यार्थी, नोस्टाल्जिक र अपराधीको लुक्समा प्रदीपलाई देख्न सकिन्छ ।

नीरक पौडेलद्धारा निर्देशित यस चलचित्रमा एक सोझो युवकको क्राइमतर्फको यात्रा र उतारचढाव पेश गरिएको छ । यसमा प्रदीपको जोडीमा अभिनेत्री द्वय परमिता आरएल राणा र मिरुना मगर छन् भने अभिनेता कर्मा शाक्य पनि लिड रोल देखिन्दै छन् ।