आज चर्चित नायक जीवन लुइटेलको जन्मदिन, चलचित्र क्षेत्रबाट टाढा रहेका उनि कहाँ छन् त अहिले?

भदौ २५, कुनै नेपाली फिल्ममा सफल अभिनय गरेका नायक जीवन लुइँटेलको आज जन्मदिन परेको छ । सन् १९८१ सेप्टेम्बर १० तारिखका दिन मोरङको हरैचामा जन्मेका लुइटेल यतिबेला अमेरिकामा रहेका छन् ।

सन् २००२ का मिस्टर नेपाल लुइँटेल २००७ देखि सिनेमा संसारमा प्रवेश गरेका हुन् । त्यसअघि उनी मोडलिङमा व्यस्त थिए । सन् २००७ मा उनले अभिनय गरेको पहिलो चलचित्र तिर्खा हो ।

तर, त्यो त्यति चलेन । सानो संसार, मेरो एउटा साथी छ, नसिव आफ्नो, रिदम, नाइँ नभन्नू ल, नोटबुक, बिन्दास, ठूली लगायत दर्जनौं हिट चलचित्रमा काम गरेका उनले अहिले सम्म ५ भन्दा बढी नेपाली चलचित्रमा अभिनय गरेका छन् ।

कुनै समय एकै वर्ष आधार दर्जन चलचित्र अभिनय गर्ने जीवन अहिले नेपाली चलचित्र क्षेत्रबाट टाढा छन् । ग्रिनकार्ड पाएकाले उनी उतै काम गरेर बस्न थालेका हुन् । नायक जीवन लुइँटेललाई जन्मदिनको शुभकामना ।