युवा स्टार अनमोल केसीकि आमा सुस्मिताले गरिन विदेशी नागरिकसँग इन्गेजमेन्ट

भदौ २९, अभिनेता भुवन केसीकी पूर्वपत्नी तथा अहिलेका युवा स्टार अनमोल केसीकी आमा तथा अभिनेत्री सुस्मिता बम्जन (केसी)ले इन्गेजमेन्ट गरेकी छन् । उनले दक्षिण भारतीय नागरिक किलन स्वामीसँग इन्गेजमेन्ट गरेकी हुन् ।

गत ९ सेप्टेम्बरमा आफुले स्वामीसँग इन्गेजमेन्ट गरेको सुस्मिताले बताएकी छन् । दक्षिण भारतीय मुलुकको फिजीमा जन्मिएका स्वामी पछिल्लो समय अष्ट्रेलियामा रहँदै आएका छन् । किलन स्वामी एक व्यापारी हुन् । स्वामी अष्ट्रेलियाको के ग्यासका धनाड्य व्यापारी हुन् ।

‘एक वर्ष अगाडि देखिको प्रेम अहिले विवाहमा परिणत गर्न लागेका हौँ,’ सुस्मिताले भनिन्, ‘पारिवारिक सहमतिमा नै स्वामीसँग इन्गेजमेन्ट भएको हो । यसमा अनमोलको पनि सहमति रहेको छ ।’ सुस्मिताले आगामी भ्यालेन्टाइम डेमा बिबाह गर्ने समेत जानकारी दिइन् ।

अष्ट्रेलियामा बस्दै आएका किलन स्वामी एक व्यापारी हुन् । सन् २००१ मा अभिनेता भुवन केसीसँग छुट्टीएपछि एक्लै बस्दै आएकी सुस्मिताले दुई वर्ष अगाडि ‘म त तिम्रै हुँ’ चलचित्र निर्माण समेत गरेकी थिइन् । चलचित्रले राम्रो ब्यवसाय नगरेपछि अहिले गुमनाम रहेकी सुस्मिता डेरामा बस्दै आइरहेकी थिइन् ।

भुवनसँग रहँदा उनले ‘नेपाली बाबु’, ‘करोडपति’, ‘सुपरस्टार’ लगायतका चलचित्र अभिनय गरेकी छन् । भुवनको ‘एक्सट्रा म्यारिटल अफेयर’ का कारण उनले डिर्भोस गरेकी थिइन् ।

सुस्मितासँग छुट्टिए पछि भुवन पनि एटिएम गर्ल अभिनेत्री जिया केसीसँग लिभिङ टुगेदरमा रहेको चर्चा छ । अनमोल पनि भुवनसँगै बस्ने भएकोले आफूले एक्लो भएको कारणले बिबाह गरेको सुस्मिताले बताइन् ।

यसअघि अनमोलले विभिन्न कार्यक्रममा आमा बुबा मिलाएर राख्ने अभिव्यक्ति दिएका थिए । अभिनयमा सबैको मन जित्न सफल अनमोलले आमाबुबाको मन जितेर मिलाउन भने सकेनन् ।