आज भुवन केसीकाे जन्मदिन, ६४ वर्ष लागे सदाबहार सुन्दर अभिनेता

भदौ ३१, नेपाली फिल्मका निर्माता तथा सदाबहार सुन्दर अभिनेता भुवन केसीको आज जन्मदिन परेको छ । उनि आजबाट ६४ बर्षमा लागेका छन् । भुवन केसी नेपाली फिल्म क्षेत्रका चर्चित र विवादित व्यक्तित्व हुन् ।

दर्जनौं सफल फिल्ममा अभिनय गरेका भुवन केसीका कन्ट्रोभर्सी पनि दर्जन छन् । विशेषतः केसी महिलाका कारण विवादित बने । दुई श्रीमतीका पति भुवनको जीवनमा थुप्रै युवतीको नाम जोडिए । यस्मा पछिल्लो पटक नायिका जिया केसीको नाम अग्रपंत्तीमा छ । भुवन र जिया केही वर्षदेखि एकसाथ बसिरहेका छन् ।

जे जस्तो चर्चा र विवाद भएपनि हालसम्म फिल्म निर्माणमा सक्रिय रहि रहनु चाहिं भुवन केसीको प्रशंसनिय पक्ष हो । पछिल्ला केही वर्षदेखि उनी आफ्नै छोरा अनमोल केसीलाई लिएर फिल्म निर्माण गर्दै आइरहेका छन् । ‘ड्रिम्स’ मार्फत त उनी निर्देशक समेत भए ।

पछिल्लो पटक उनले अनमोललाई लिएर ‘क्याप्टेन’ बनाएका छन । ६४ बर्षका भुवन केसीको सुन्दरतामा अझैपनि कुनै कमी आएको छैन । त्यसैले उनलाई नेपाली फिल्म क्षेत्रका सदाबहार सुन्दर अभिनेता भनिएको हो ।