दुवै मृगौला रोगी श्रीमतीका लागि सहयोगको अपिल गर्दै गायक आनन्द कार्की

काठमाडौ, १ असोज । गायक आनन्द कार्की नेपाली सांगीतिक क्षेत्रमा गजल गायकका रुपमा परिचित छन् । करिब ३ हजार भन्दा बढी गीतहरुमा आवाज भरिसकेका कार्कीको थुप्रै हिट गीतहरु नेपाली संगीतिक क्षेत्रमा छन् । लाग्छ मन हेरी रहुँ, जनम जनम जिउँला सँगै, फेरी तिम्रो याद आयो, भरे आउछु सपनीमा, यी हल्लाहरु हुन् । विशेषगरेर प्लेब्याक सिङ्गरका रुपमा स्थापित कार्कीले भजन देखि स्वदेश गान, आधुनिक तथा गजल सबै गाएका छन् । दुई दर्जन भन्दा बढी एल्बम निकालिसकेका कार्की प्रया स्टेज कार्यक्रम, टेलिभिजन विज्ञापन देखि म्युजिक भिडियोमा समेत व्यस्त रहन्थे ।

पछिल्लो समय भने गायक आनन्द कार्कीको पत्नी ईश्वरी कार्कीको दुवै मृगौला फेल भएका कारण उनी पीडामा छन् । उपचार गर्ने क्रममा धेरै आर्थिक भार पर्न गएको हुँदा उनीहरुले आर्थिक कठिनाईसमेत भोग्नु परेको छ ।

कार्यक्रम फन टकमा कुराकानी गर्ने क्रममा उनले सबैसँग सहयोगको अपिलसमेत गरेका छन् । उनै गायक आनन्द कार्की र गीतकार रोशन भट्टराईसँग हामीले फन टकमा कुरा गरेका छौं ।