Nepal's First Video FM

प्रधानमन्त्रीको स्वास्थ्यमा सुधार, सात दिनसम्म एन्टिबायोटिक चलाउनुपर्ने

678

प्रधानमन्त्री केपी शर्मा ओली तथा नेपाल कम्युनिष्ट पार्टी (नेकपा)का अध्यक्षको स्वास्थ्यमा उल्लेख्य सुधार आएको छ ।
उहाँको उपचारमा संलग्न प्रा डा. अरुण सायमीले प्रधानमन्त्री ओलीले आज बिहान सजिलैसँग खाजा खानुभएको र स्वास्थ्यमा उल्लेख्य सुधार रहेको जानकारी दिनुभयो ।
प्रधानमन्त्री ओली सोमबार बिहान छातीमा संक्रमण भई श्वासप्रश्वासमा समस्या देखिएपछि महाराजगञ्जस्थित त्रिभुवन विश्वविद्यालय, चिकित्सा शास्त्र अध्ययन संस्थान मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना हुनुभएको थियो । उपचारका क्रममा रगत परीक्षणको रिर्पोटअनुसार स्वास्थ्यमा निकै सुधार आएको सेन्टरका कार्यकारी निर्देशक प्रा डा उत्तमकृष्ण श्रेष्ठले जानकारी दिनुभयो ।
स्वास्थ्यमा सुधार हुँदै गएपछि प्रधानमन्त्रीले ७२ घन्टामा आफूलाई डिस्चार्ज गरिदिन समेत आग्रह गरेको डा. सायमीले बताउनुभयाे। उहाँले प्रधानमन्त्रीलाई सक्दाे छिटाे डिस्चार्ज प्रयास गर्ने बताउँदै कम्तीमा सात दिनसम्म एन्टिवायोटिक चलाउनुपर्ने जानकारी दिनुभएकाे छ ।

प्रधानमन्त्री ओलीले स्वास्थ्य अवस्थाबारे जानकारी लिन आएका शुभेच्छुकसँग सजिलैसँग दोहोरो कुराकानी गर्नुभएको कार्यकारी निर्देशक श्रेष्ठले बताउनुभयो । प्रधानमन्त्रीको उपचारमा डा सायमीको संयोजकत्वमा प्रा डा दिव्यासिंह शाह तथा डा सन्तकुमार दास सम्मिलित हुनुहुन्छ ।

You might also like

Comments are closed, but trackbacks and pingbacks are open.