लागूऔषधसहित दुई जना पक्राउ

लागूऔषधसहित दुई जना पक्राउ परेका छन् । विरगञ्ज महानगरपालिका १६ बाट सोमबार एपीएफ टोलीले विभिन्न किसिमका लागूऔषधसहित दुई जनालाई पक्राउ गरेको हो।

पक्राउ पर्नेहरुमा ललितपुर महानगरपालिका ८ बस्ने २३ वर्षिय सागर कार्की र सोही महानगरपालिका ९ बस्ने राजेश कुचिकार छन् ।
उनीहरुलाई सशस्त्र प्रहरी बल गुल्मबाट खटिएको एपीएफ टोलीले पक्राउ गरेको हो । एपीएफ टोलीले भारतबाट नेपालतर्फ आउँदै गरेका उनीहरुलाई संका लागि जाँच गर्दा निजहरुले शरिरको विभिन्न भागमा लुकाई छिपाई राखेको अवस्थामा डाइजोप्याम ३९ वटा, नोफिन ३६ वटा र फेनेरागन ४० वटा फेला परेपछि उनीहरुलाई पक्राउ गरिएको प्रहरीले जनाए।पक्राउ परेका उनीहरुमाथि आवश्यक कारवाही गर्नको लागि प्रहरी चौकी इनरुवामा लगिएको छ।