Nepal's First Video FM

सुरक्षा क्षेत्रमा राज्यले लगानी गर्न कञ्जुस्याइँ गर्नुहुन्न : गृहमन्त्री

45

गृहमन्त्री रामबहादुर थापाले सुरक्षा क्षेत्रमा राज्यले लगानी गर्न कञ्जुस्याइँ गर्न नहुने बताउनुभएको छ ।

गृहमन्त्रालयमा आज आयोजित मन्त्रालयको आव २०७५÷०७६ को प्रथम चौमासिक प्रगति समीक्षा र गृहमन्त्रालयस्तरीय विकास समस्या समाधान समितिको बैठकमा गृहमन्त्री थापाले विकासको लक्ष्य हासिल गर्न तथा सुशासन कायम गर्न सुरक्षामा लगानी गर्नु अनिवार्य रहेको बताउनुभयो ।

शान्ति सुरक्षा र विकास अन्तर सम्बन्धित रहेको कुरालाई राष्ट्रिय योजना आयोग र अर्थमन्त्रालजस्ता निकायले बुझेर सोहीअनुरुपको सहयोग गर्नुपर्ने उहाँको भनाइ थियो । सुरक्षाका लागि आवश्यक अत्याधुनिक प्रविधिका प्रयोग बढाउँदै लैजानुपर्नेमा गृहमन्त्री थापाले जोड दिनुभयो । बैठकमा मन्त्रालयको पूँजीगत खर्च कम भएको विवरण पेश भएपछि गृहमन्त्री थापाले यस्तो कार्य सच्याउन मातहतका निकायलाई निर्देशन दिनुभयो ।

उहाँले भन्नुभयो, “बजेट भएर पनि काम नभएको भए त्यहाँ लापर्वाही भएको स्पष्ट छ, त्यसलाई तत्काल सच्याउनुहोस् ।” कार्यक्रममा गृहसचिव प्रेमकुमार राईले मन्त्रालयबाट आवश्यक सहयोग रहे पनि मन्त्रालयअन्तर्गतका निकायले अपेक्षित गति अझै लिन नसकेको भन्दै त्यसलाई सुधार गर्न निर्देशन दिनुभयो ।

You might also like

Comments are closed, but trackbacks and pingbacks are open.