डा केसीका माग पूरा गराउन डाक्टरहरू सामूहिक अनसन बस्‍ने

१६ औं पटक आमरण अनसनमा रहेका डाक्टर गोविन्द केसीका माग पूरा गराउन आजबाट डाक्टरहरु सामूहिक अनसन बस्ने भएका छन्। आन्दोलनरत चिकित्सकहरु त्रिवि शिक्षण अस्पतालमा आज बिहान १० बजेदेखि बेलुकी ५ बजेसम्म सामूहि अनसन बस्ने घोषणा गरेका हुन् ।

नेपाल चिकित्सक संघले डा केसीसँग गरेको सम्झौताअनुसार नै चिकित्सा शिक्षा विधेयक संशोधन गर्न माग गर्दै आएका चिकित्सकहरूले अस्पतालको सेवा नै अवरुद्ध पार्ने चेतावनीसम्म दिएका छन् ।

नेपाल चिकित्सक संघले डा केसीसँग गरेको सम्झौताअनुसार नै चिकित्सा शिक्षा विधेयक संशोधन गर्न माग गर्दै आएको छ । सरकारकारले भर्खरै पास गरेको राष्ट्रिय चिकित्सा विधेयकको विरोध साथै अनशनरत डा केसीको जीवनरक्षाको लागि चिकित्सक संघले रिले अनसन प्रारम्भ गर्ने घोषणा गरेको हो । सरकारले बलपूर्वक विद्येयक परित गरेको केसी समर्थक डाक्टरहरुको आरोप छ ।

केही चिकित्सकले सरकारले जालझेल गरेरै विधेयक ल्याएको आरोप लगाएका छन् । केसीको आमरण अनसनको १९ दिनसम्म पनि सरकारले वार्ताका लागि चासो नदिएको उनीहरूको आक्रोश छ ।

स्वास्थ्यमा राजनीति हुँदा सर्वसाधारण भने चिन्तित देखिन्छन् । एकातिर सैद्धान्तिक कुरा गर्ने नै अर्कोतर्फ आम सर्वसाधारणको उपचारमा खेलबाड गर्न खोज्ने चिकित्सकको रवैयाबाट दिक्क बिरामीका आफन्त यसो भन्छन् ।