Nepal's First Video FM

राष्ट्रपति भण्डारीबाट नवनियुक्त प्रदेश प्रमुखले लिए सपथ, आजै कार्यक्षेत्रमा जाने

75

नवनियुक्त प्रदेश प्रमुखले पद तथा गोपनीयताको शपथ लिएका छन् । मंगलबार बिहान राष्ट्रपति विद्यादेवी भण्डारीले शितलनिवासमा एक समारोहबीच सातवटै प्रदेश प्रमुखहरूलाई शपथ ग्रहण गराउनुभएको हो ।

समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, प्रधानन्यायाधीश चोलेन्द्रशमशेर जवरालगायत उपस्थित रहनुभएको थियो । सोमबार सरकारको सिफारिसमा राष्ट्रपति विद्यादेवी भण्डारीले सातवटै प्रदेशमा नयाँ प्रदेश प्रमुख नियुक्त गर्नुभएको थियो ।

जसअनुसार प्रदेश १ मा सोमनाथ अधिकारी ‘प्यासी’, प्रदेश २ मा तिलक परियार, प्रदेश ३ मा विष्णु प्रसाईं, गण्डकी प्रदेशमा अमिक शेरचन, प्रदेश ५ मा धर्मनाथ यादव, कर्णालीमा गोविन्द कलौनी र सुदुरपश्चिममा शर्मिलाकुमारी पन्त नियुक्त हुनुभएको थियो ।

शपथसँगै नवनियुक्त प्रदेश प्रमुखहरु आजबाट आ–आफ्नो कार्यक्षेत्रमा गएर काम गर्ने बाटो खुलेको छ ।

You might also like

Comments are closed, but trackbacks and pingbacks are open.