Nepal's First Video FM

पहिलोपटक इन्द्रेणी टिम टुडिखेलमा दोहोरी गाउन आउदै फाल्गुन १६ देखि २० गते सम्म,कार्यक्रम हेर्न कुनै शुल्क नलाग्ने

706

पहिलोपटक टुडिखेलमा एक भब्य कार्यक्रम हुने भएको छ।एकै दिनमा करिब १ लाख दर्शक भित्र्याउने तयारी सहित ‘प्रथम राष्ट्रीय काँठे लोकदोहोरी महोत्सव २०७६’को आयोजना हुने भएको छ।५ सय कलाकारको एकै स्थानमा प्रस्तुति सहित लाइभ दोहोरी देखाउदै उक्त ५ दिने महोत्सव टुडिखेलमा हुन लागेको हो।सो महोत्सवमा इन्द्रेणी टिमले पनि लाइभ दोहोरी सहित आफुलाई प्रस्तुत गर्दै छ भने इन्द्रेणी टिमलाइ उक्त स्थानबाट सम्मान समेत गरिदै छ।दोहोरीको उचाइलाई अझ शिखरमा लान योगदान पुर्याएको भन्दै उक्त टिमलाई सम्मन गरिन लागेको हो।उक्त समय कार्यक्रम संचालक को भूमिकामा चर्चित कार्यक्रम प्रस्तोता नरेश भट्टराइ र सुहारिका केसी रहने छन भने फरक दिन फरक प्रस्तोता पनि उक्त आयोजनामा रहने आयोजक डी ए आर मुभिजका प्रभावनले जानकारी दिनुभयो।

उक्त समय प्रतक्ष्य दोहोरी समेत हुने भएको छ।प्रत्यक्ष दोहोरीको लागि हाल सम्म ७० ओटा टिम दर्ता भएको छ भने अन्य टिम दर्ता हुने क्रम जारी रहेको प्रतियोगी संयोजक सरोज लामिछानेले जानकारी दिनु भएको छ। महोत्सवमा पहिलो, दोस्रो र तेस्रो विजेता समूहलाई क्रमश: नगद रु. ३ लाख, २ लाख र १ लाख सहित अन्य जिन्सी पुरस्कारहरुद्वारा पुरस्कृत गरिने छ भने शान्त्वना पुरस्कार विजेतालाई नगद रु. ५० हजार सहित अन्य पुरस्कार पनि प्रदान गरिने छ। यसैगरी महोत्सव अवधिभरबाट १ – १ जना उत्कृष्ठ गायक – गायिकाको छनोट गरी जनही रु. १० – १० हजारबाट पुरस्कृत गरिने छ । महोत्सवमा सहभागी हुन ईच्छुक कलाकारहरुले आफ्नो टिम दर्ता गरिसक्नुपर्ने कुरा कार्यक्रम संयोजक नवराज ढुंगानाले जानकारी गराएका छन्।

महोत्सवमा नवराज घोरासैनीको संयोजनमा अम्बर विरही गुरुङ, घमेश दुलाल र सीता थापा गरी ४ जनाको मुख्य निर्णायक समिति रहने छ भने शिवनारायण जोशी, इन्दिरा गुरुङ, रेशम थापा, गीतादेवी, उद्धव कार्की, पार्वती कार्की, राम थापा ‘शिशिर’ र उमा श्रेष्ठले अतिथि निर्णायकको भूमिका निर्वाह गर्ने छन्।

प्रचारप्रसार भिडियो यस्तो छ :

You might also like

Comments are closed, but trackbacks and pingbacks are open.