देउवा नेतृत्वको सरकारमा रहेकालाई माओवादीले अहिले नपठाउने

फाल्गुन १०, नेकपा माओवादी केन्द्रले नेपाली कांग्रेसका सभापति शेरबहादुर देउवा नेतृत्वको सरकारमा सहभागी भएका नेताहरुलाई एमाले अध्यक्ष केपी शर्मा ओली नेतृत्वको सरकारमा नपठाउने निर्णय गरेको छ ।

अध्यक्ष पुष्पकमल दाहालको निवासमा बसेको बैठकले देउवा नेतृत्वको सरकारमा सहभागी भएका नेताहरुलाई नपठाउने निर्णय गरेको वर्षमान पुनले जानकारी दिए ।

उनका अनुसार सातवटा मन्त्रालय माओवादीको भागमा परेकाले ७ वटै प्रदेशबाट प्रतिनिधित्व हुनेगरी सहभागी गराइनेछ । त्यसमा समावेशीतालाई पनि ध्यान दिइने उनले बताए ।

त्यसैगरी माओवादीले एमालेसँग गर्न लागेको एकताको विपक्षमा उभिएका नेताहरुलाई कारवाही गर्ने निर्णय पनि गरेको छ ।