अमेरिकामा कोरोनाका कारण हालसम्म ८१ हजार को मृत्यु

अमेरिकामा कोरोनाका कारण ज्यान गुमाउनेको संख्या ८१ हजार पार भएको छ । वर्ल्डोमिटर्सको पछिल्लो आँकडा अनुसार अमेरिकामा कोरोनाका कारण हालसम्म ८१ हजार ७ सय ९५ को मृत्यु भइसकेको छ ।

अमेरिकामा हरेक दिन एक लाख ५० हजारदेखि तीन लाख व्यक्तिको परीक्षण गरिरहेको छ । हालसम्म यहाँका १३ लाख ८५ हजार बढी व्यक्ति संक्रमित छन् ।

संसारभरीको अर्थव्यवस्था झैं अमेरिकालाई पनि कोरोनाभाइरसका कारण ठूलै झट्का लागेको छ । संसारभरी सबैभन्दा धेरै मृत्यु अमेरिकामा भएको छ । यस्तै गत हप्ताको आँकडा अनुसार अमेरिकामा कोरोनाभाइरसका कारण ३.३ करोड व्यक्ति बेरोजगार भएका छन् ।