लकडाउनपछि पहिलोपटक सुनको मूल्य आयो १० हजार बढेर ।

चैत ११ देखि कोरोनाका कारण देश लकडाउनमा भएकाले सुनको मूल्य तोकिएको थिएन। तर नेपाल सुनचाँदी व्यवसायी महासंघले आइतबारका लागि सुनको मूल्य तोकेको हो। महासंघका अनुसार आइतबार छापावाल सुनको मूल्य प्रतितोला ८७ हजार ४ सय रुपैयाँ तोकिएको छ। चैत १० गते छापावाल सुन प्रतितोला ७७ हजार रुपैयाँमा कारोबार भएको थियो।

 सरकारले ल्याएको नयाँ बजेट मार्फत सुनको भन्सार दर बढाइएकाले पनि मूल्य बढेको हो। सुनको मूल्य लकडाउनअघि चैत १० मा प्रति तोला ७७ हजार रुपैयाँ थियो। आइतबार पुरानो मूल्यसँग तुलना गर्दा तोलामा १० हजार चार सय रुपैयाँले बढेको छ।

तेजावी सुनको मूल्य प्रतितोला ८६ हजार ९ सय ६० रुपैयाँ तोकिएको छ। नेपाल सुन चाँदी ब्यवसायी महासंघले आइतबार चाँदीको मूल्य ९२५ रुपैयाँ तोकेको छ। गएको चैत १० गते चाँदी प्रतितोला ७ सय २० रुपैयाँमा कारोबार भएको थियो।