माफ गर्नुहोला, ‘तपाईले खोज्नुभएको सरकार ‍‍‍‍‍‍यस्तो बेलामा पनि भ्रष्टाचार गर्नमा व्यस्त छ’

सामाजिक सञ्जालमा सञ्चालित अभियानमार्फत सरकारविरुद्ध प्रदर्शन गर्दै आएका युवाहरुको समूहले शुक्रबार काठमाडौंको बसन्तपुरमा प्रदर्शन गरेका छन् ।

यसअघि यो समूहले प्रधानमन्त्रीको सरकारी निवास बालुवाटार बाहिर पनि प्रदर्शन गरेको थियो । मास्क र मुकुण्डो लगाएर भेला भएका युवाहरुले कोरोना संक्रमितको पीसीआर विधिबाट परीक्षण गर्नुपर्ने, कोरोना महामारी रोकथामको काममा खर्च भएको रकम पारदर्शी बनाउनुपर्नेलगायतका माग राखेका छन् ।

बडो गजबको कुरा त के छ भने प्रदर्शनकारीले बोकेको एउटा प्लेकार्डमा दूरसञ्चार कम्पनी टेलिकमको मोवाइलमा सम्पर्क गर्दा आउने सन्देशकै शैलीमा लेखिएको थियो ‘माफ गर्नुहोला तपाईले सम्पर्क गर्न खोज्नुभएको सरकार अहिले यस्तो समयमा पनि भ्रष्टाचार गर्नमा व्यस्त छ ।’

Photo credit by Online Khabar