‘कोरोनाबाट मृत्यु हुनेको अंग निकालेर अस्पतालले विक्री गर्छन्’ भन्ने पक्राउ

काठमाडौं –  कोरोना भाइरसबाट मृत्यु भएकाहरूको शरीरको अंग निकालेर अस्पतालले विक्री गर्छन् भन्दै भ्रम फैलाउने एक जनालाई प्रहरीले पक्राउ गरेको छ ।

आफूलाई प्राकृतिक चिकित्सक भन्ने सुवास सुब्बा लिम्बूले परिवारबाट अलग राखेर ‘किड्नी, आँखालगायतका अंग निकाल्ने गरिन्छ’ भन्दै एउटा युट्युवमा अन्तर्वार्ता दिएका थिए ।

महानगरीय अपराध महाशाखाको टोलीले सोमबार ललितपुरको ढोलाहिटीबाट लिम्बूलाई पक्राउ गरेको हो ।

महानगरीय अपराध महाशाखाका प्रमुख, एसएसपी दीपक थापाका अनुसार सुब्बाले अफवाह फैलाउने अभिव्यक्ति दिएपछि पक्राउ गरिएको हो ।

लिम्बूले कोरोनाविरुद्ध आफूले भ्याक्सिन बनाएको दाबी गर्दै आएको प्रहरीले जनाएको छ ।