बाल दिवसमा प्रधानमन्त्रीकाे शुभकामना

राष्ट्रिय बाल दिवसको अवसरमा शुभकामना सन्देश दिँदै प्रधानमन्त्री ओलीले भनेका छन्, ‘सरकारले ‘सडक बालबालिकामुक्त राष्ट्र’ अभियान अन्तर्गत नेपाललाई यही आर्थिक वर्षभित्र सडक बालबालिकामुक्त राष्ट्र घोषणा गर्ने नीति लिएको छ ।’

प्रधानमन्त्री केपी शर्मा ओलीले सरकारले चालु आर्थिक वर्षभित्रै नेपाललाई ‘सडक बालबालिकामुक्त राष्ट्र’ घोषणा गर्ने बताएका छन् ।

प्रधानमन्त्री ओलीले बालबालिकामाथि हुने सबै किसिमका हिंसा, बेचबिखन तथा जघन्य घटनाका अपराधीहरुलाई कानुनी दायरामा ल्याई कडा सजाय दिने र बालबालिकाहरुलाई संरक्षण, सुरक्षा र अभिभावकत्व प्रदान गर्न सरकार प्रतिवद्ध रहेको बताएका छन् ।

महामारीबाट बालबालिकाको जीवन र पठनपाठनमा गम्भीर असर परेको भन्दै प्रधानमन्त्री ओलीले महामारीको सामना गर्न आग्रह गर्नु भएको छ ।