आकाश श्रेष्ठको ‘हिजो जस्तो लाग्छ’

काठमाडौं २७ असोज । गायक दावा गुरुङ र गायिका वानिका प्रधानको स्वरमा रहेको ‘हिजो जस्तो लाग्छ’ बोलको म्युजिक भिडियो सार्वजनिक भएको छ।

गीतमा शब्द , संगीत स्वयम् गायक दावा गुरुङको रहेको छ। यस गीतलाई रोमी बस्नेतले संगीत संयोजन गरेका हुन्।
म्युजिक भिडियोमा विवाहित जोडीको पहिलो डेटिङ र जिन्दगीका रमाइला पलहरुको स्मरण गरिएको छ। भिडियोमा आकाश श्रेष्ठ र गरिमा शर्माले अभिनयगरेका छन् ।

बुद्ध थापाले छायांकन गरेको यस भिडियोलाई विकाश धमलाले सम्पादन गरेका हुन्। निकेश खड्काको निर्देशनमा भिडियो तयार पारिएको हो।

यस्तै राजेश हमाल, प्रकाश सपूत र वर्षा सिवाकोटी एकै ठाउँ छम छम नाचे लोकदोहोरी गत ‘मञ्जरी सार्वजनिक भएको छ।

लोकगायिका देवी घर्ती मगर र प्रकाश पराजुलीको नयाँ लोकदोहोरीमा यी तीन कलाकारको जमघट भएको हो। नायक राजेश हमालले
चलचित्रको काम सुरु नभएपछि म्यूजिक भिडियोमा काम गर्ने मन बनाएका हुन् । उनै, हमालसँग लोकगीतको भिडियोमा नायिका वर्षा सिवाकोटीले काम गरिन् ।

र्षाले भने नायक राजेश हमालसँग काम गर्न पाएकोमा खुशी व्यक्त गरिन् । तर, म्यूजिक भिडियोमा एकसाथ काम गर्नका लागि हमालले नै नायिका सिवाकोटीलाई रोजेका थिए । हमालको रोजाइमा नायिका सिवाकोटी किन परिन् त ? वुझिएअनुसार, कुनै पनि विवादमा नपरेको भन्दै हमालले सिवाकोटीलाई रोजेका थिए ।

हमाललाई अफर गर्न गएको ‘मञ्जरी’ गीतको टिमले विभिन्न मोडलको नाम अगाडि सारेको थियो । म्यूजिक भिडियोमा नाम चलेका मोडलहरुको नाम अगाडि सार्दा हमालले वर्षालाई रोजे हुन। यो गीतको भिडियो देवेन्द्र बब्लुले निर्देशन गरेका हुन्। गीतमा मौसम हिमालीको कोरियाग्राफी छ।