प्रधानमन्त्री ओलीलाई हटाउनै पर्छ – डा. बाबुराम भट्टराई

जनता समाजवादी पार्टी नेपालका संघीय परिषद् अध्यक्ष बाबुराम भट्टराईले प्रधानमन्त्री केपी शर्मा ओलीलाई हटाउनै पर्ने बताएका छन् । बुधबार दिउँसो ट्वीट गर्दै पूर्वप्रधानमन्त्री समेत रहेका भट्टराईले सरकारको असफलता र भ्रष्टाचारबारे उनकै पार्टीले समेत लिखित आरोप लगाइसकेपछि ओलीलाई हटाउनै पर्ने बताएका हुन् । भट्टराईले नेकपाको आन्तरिक विवादमा राष्ट्रपति विद्यादेवी भण्डारी र नेपालस्थित चिनियाँ राजदूत होउ यान्छीले हस्तक्षेप गर्न खोजेको भन्दै त्यसो गर्न नमिल्ने बताएका छन् । ‘राष्ट्रपति र विदेशी कुटनीतिज्ञले पार्टीगत कुरामा हस्तक्षेप गर्न मिल्दैन’ भट्टराईले ट्वीटमा उल्लेख गरेका छन् ।