Nepal's First Video FM

प्रधानमन्त्री ओलीको कदमलाई धुलो चटाउँछौ: नारायणकाजी श्रेष्ठ

3

काठमाडौं । नेपाल कम्युनिस्ट पार्टी नेकपा प्रचण्ड-माधव पक्षका नेता नारायणकाजी श्रेष्ठले प्रधानमन्त्री केपी शर्मा ओलीको तानाशाही प्रवृत्तिलाई धुलो चटाएरै छाड्ने दावी गरेका छन् ।

उनले केपी ओलीलाई प्रधानमन्त्री बन्ने रहरले पार्टी एकता र लोकतन्त्र ध्वस्त गरेको तथा संविधान नै च्यात्न खोजेको बताए । ‘एक जना व्यक्तिलाई प्रधानमन्त्री बनिरहने रहरले संविधान च्यात्न र लोकतन्त्रलाई ध्वस्त बनाउन पाइन्छ ? यो कुराको जवाफ केपी ओली र उनका समर्थकले दिनुपर्छ’ केन्द्रीय संघर्ष समितिका संयोजक समेत रहेका श्रेष्ठको भनाई छ ।

उनले ओलीको पुस ५ गतेको प्रतिगामी कदम नसच्चिएसम्म संघर्ष जारी रहने र अन्ततः ओलीको प्रतिगामी कदमलाई धुलो चटाएरै छाड्ने दावी पनि गरे । ‘संयुक्त संघर्षको पहल गरिरहेका छौ । दलहरुबीच छलफल र परामर्श पनि भइरहेको छ । राजनीतिक दल, नागरिक समाज र बुद्धिवजवीहरुसँग अन्तरक्रिया भइरहेका छन् र नयाँ किसिमले संघर्ष अघि बढाउने प्रयास भइहरेको छ’, श्रेष्ठले भने, ‘निरकुश, प्रतिगामी र तानाशाही प्रवृतिलाई धुलो चटाएरै छाड्छौ ।’

उनले शक्ति पृथकीकरणको सिद्धान्तका आधारमा संविधानले व्यवस्था गरेको संवैधानकि अंग सर्वोच्च अदालतले संसद विघटन गर्ने ओलीको कदम असंवैधानिक भन्दै खारेज गर्नेमा आफुहरु विश्वस्त रहेपनि जनदवाव आवश्यक रहेकाले संघर्षमा जानुपरेको बताए । स्रोत रातो पाटि।

You might also like

Comments are closed, but trackbacks and pingbacks are open.