सुहाना थापालाई हातपर्यो ‘उत्कृष्ट डेब्यू नायिका अवार्ड’, ‘छक्का पन्जा ३’लाई करोड भ्युज

काठमाडौँ- ‘ए मेरो हजूर ३’कि नायिका सुहाना थापालाई उत्कृष्ट डेब्यू नायिकाको अवार्डले सम्मान गरिएको छ।

१२औँ राष्ट्रिय बक्स अफिस अवार्ड २०२० मा थापालाई यो अवार्डले सम्मान गरिएको हो। उनी अभिनित चलचित्र ‘ए मेरो हजूर ३’ सफल भएको थियो। साथै सुहानाको अभिनयको तारिफ पनि भएको थियो ।

सुहानाले डेब्यू चलचित्रमा चर्चित नायक अनमोल केसीसँग सहकार्य गरेकी थिइन्। यो चलचित्रलाई झरना थापाले निर्देशन गरेकी थिइन्

युट्युबमा पनि यो फिल्मलाइ दर्शकहरु निकै रुचाईएको थियो, युट्युबमा १९ दिनमा १ करोड भ्यूज पाएको थियो ।

यस्तै दीपक र दीपाको सिनेमा ‘छक्का पञ्जा ३’ ले युट्युबमा नयाँ रेर्कड बनाएको छ । अपलोड गरिएको १७ दिनमै सिनेमाले युट्युबमा १ करोड बढि भ्युज पाएको छ । यो सिनेमालाई सबैभन्दा छोटो समयमा १ करोड पटक हेरिएको छ ।

‘छक्का पञ्जा ३’ लाई दर्शकले सकारात्मक प्रतिक्रिया दिइरहेका छन् । हाल सिनेमा युट्युब ट्रेन्डिङको पाँचौं नम्बरमा छ । नीजि र सामुदायिक विद्यालय बिचको अन्तरद्धन्द्धलाई प्रस्तुत गरेको सिनेमा बक्स अफिसमा ब्ल्कबस्टर सावित भएको थियो । नेपाली सिनेमाको इतिहासमै सबैभन्दा बढि कमाई गर्ने सिनेमा ‘छक्का पन्जा ३’ हो ।

दीपाश्री निरौला निर्देशित सिनेमामा दीपकराज गिरी, दीपिका प्रसाईं, केदार घिमिरे, जितु नेपाल, नीर शाह, शिवहरी पौडेल, किरण के.सी, बुद्धि तामाङ, अनुरागमान सिंह कुँवर, लक्ष्मी गिरी, विल्सन विक्रम राई लगायत कलाकारहरुको अभिनय छ ।

यसअघि सिनेमा ‘ए मेरो हजुर ३’ले युट्युबमा १९ दिनमा १ करोड भ्यूज पाएको थियो ।