आज थप ३७५० जनामा संक्रमण पुष्टि, ५२२५ जना संक्रमणमुक्त, ६७ जनाको निधन

काठमाडौँ, आज पछिल्लो २४ घण्टामा थप ३७५० जनामा संक्रमण पुष्टि भएको छ, संक्रमणका कारण पछिल्लो २४ घण्टामा ६७ जनाको मृत्यु भएको छ । त्यस्तै ५२२५ जना संक्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार ९५९८ पीसीआर परीक्षणमा २७०९ जना र ५५८४ एन्टिजेन परीक्षणमा १०४१ जना गरी ३७५० जनामा संक्रमण पुष्टि भएको हो ।

हालसम्म पीसीआर विधिबाट ६ लाख ४ हजार ३९६ जनामा संक्रमण पुष्टि भएको छ एन्टिजेन विधिबाट १८ हजार ७५५ जनामा संक्रमण पुष्टि भएको छ । हालसम्म ५ लाख २० हजार ८१६ जना संक्रमणमुक्त भइसकेका छन् ।

देशभर ८ हजार ३०५ जनाको मृत्यु भइसकेको छ ।