एक रातमै हेलम्बुमा आएको त्यो बाढी जसमा परि, २३ जना अझै बेपत्ता, १ सय ५० घर विस्थापित

काठमाडौं । सिन्धुपाल्चोकको हेलम्बु गाउँपालिकाले अझै २३ जना बेपत्ता भएको जनएको छन् ।
बेपत्ता हुनेहरूमा मेलम्ची खानेपानी आयोजनामा कार्यरत तीन जना भारतीय र तीन जना चिनियाँ नागरिक समेत रहेका छन् ।

गाउँपालिकाले अहिलेसम्म बेपत्ता भएकाहरूको नामावली समेत सार्वजनिक गर्दै बेपत्ता हुनेको संख्या बढ्न सक्ने जनाएको छ ।

हेलम्बु गाउँपालिका वडा नम्बर १ सेमेसिदाङ हिमाल मुनि रहेको भेमाथाङ चौरमा गएको पहिरोले नदी थुनेपछि बाढी आएको पनि सो गाउँपालिकाले जनाएको छ ।

यस्तै गाउँपालिका भित्र रहेका चार वटा मोटरेबल पुल र ६ वटा झोलुङ्गे पुल पनि बाढीले बगाएको सो गाउँपालिकाले प्रेस विज्ञप्ति मार्फत जनाएको छ ।

यस्तै करीब ८ किलोमिटर सडक बगाएको पनि गाउँपालिकाले जनाएको छ । बाढीबाट हेलम्बु गाउँपालिकाको वडा नम्बर १ र सबैभन्दा बढी प्रभावित भएका छन् ।