महेश बस्नेतको स्वास्थ्यमन्त्रि श्रेष्ठलाई प्रश्न : तपाई स्वास्थ्य माफियासंग मिल्नु भएको त होइन?

काठमाडौँ– नेकपा एमालेका नेता एवम् राष्ट्रिय यूवा संघ नेपालका इन्चार्ज महेश बस्नेतले स्वास्थ्य राज्यमन्त्री उमेश श्रेष्ठलाई ‘स्वास्थ्य माफियासंग मिल्नु भएको त, होइन?’ भन्दै प्रश्न गरेका छन् ।

बिहिवार एक विज्ञप्ति जारी गर्दै नेता बस्नेतले एमबीबीएस पढ्न चाहने विद्यार्थीको संख्याभन्दा देशको क्षमता कम रहेको र विदेश गएर पढ्न बाध्य विद्यार्थीबारे विगतमा दिएका सम्बधन रद्द गर्ने स्वास्थ्यमन्त्री श्रेष्ठको योजनामाथि सो प्रश्न गरेका हुन् ।

उक्त प्रश्नसहित जारी उक्त विज्ञप्तिमा अन्य तीन प्रश्न समेत सोधिएका छन् । जसमा स्वास्थ्य मापदण्ड सहितका परीक्षा सञ्चालन एवम् खोप वितरण लगायतका प्रश्नहरु समेटिएका छन् ।

यस्तै, उनले भक्तपुर स्वास्थ्य विज्ञान प्रतिष्ठान बनाउनको लागि प्रकृया अगाडि बढाउन स्वास्थ्यमन्त्रीलाई आग्रह समेत गरेका छन् ।