Nepal's First Video FM

विश्वमै इतिहास रच्न सफल नेपाली खेलाडी टिमलाई स्वागत गर्न आज एयरपोर्टमा समर्थक भिड

548

चैत्र ३, नेपाली क्रिकेटको इतिहासमा अहिलेसम्मकै सबैभन्दा ठूलो सफलता हासिल गरेको नेपाली क्रिकेट टिम आज (सोमबार) साँझ नेपाल फर्किँदैछ ।

जिम्बावेमा जारी विश्वकप छनोट प्रतियोगितामा सफलता हासिल गर्दै चार वर्षका लागि एक दिवसीय मान्यता लिएर नेपाली टिम साँझ ५ः५५ बजे त्रिभुवन अन्तर्राष्ट्रिय विमानस्थलमा ल्यान्डिङ गर्दैछ ।

प्रतियोगिताको प्लेअफमा पपुवा न्युगिनीलाई हराउँदै नेपाल एशोसिएट राष्ट्रहरुमा तेस्रो हुँदै चार वर्षका लागि एक दिवसीय मान्यताको टिकट सुरक्षित गर्न सफल भएको हो ।

के हुन्छ त आज विमानस्थलमा ? 
अहिलेसम्मकै ठूलो सफलता हासिल गरेको नेपाली टिमलाई स्वागत गर्न सबै लालायित छन् ।

कप्तान पारस खड्काको नेतृत्वमा सफलता चुमेको नेपाली  टिमलाई स्वागत कसरी गर्ने भन्नेबारे सरकारले कुनै निर्णय गरेको छैन ।

नामिबियामा भएको डिभिजन टु पछि सरकारले हतारहतार गर्दै खेलाडीहरुलाई जनही तीन तीन लाख रुपैयाँ बाँडेको एक महिना पनि पुगेको छैन ।

त्यसैले तत्काल सरकारले रकम नै बाँड्ने सोंच बनाएको छैन । खेलाडीलाई स्वागत भने भब्य बनाउने बुझिएको छ ।

पहिलो पटक मन्त्री भएपछि खेलकुदको औपचारिक कार्यक्रमका रुपमा नवनियुक्त युवा तथा खेलकुद मन्त्री जगतबहादुर सुनार विश्वकर्मा पनि नेपाली टिमको स्वागत गर्न जानेछन् ।

त्यसैगरी राष्ट्रिय खेलकुद परिषदका  सदस्यसचिवदेखि पदाधिकारी, निलम्बित नेपाल क्रिकेट संघका पदाधिकारीहरु, क्रिकेटप्रेमीहरु, संचारकर्मी लगायतको उल्लेख्य सहभागीता हुनेछ ।

सामाजिक संजालहरुमा ‘नेपाली क्रिकेट टोलीलाई स्वागत गर्न जाने होइन ?’ भन्ने सन्देशसमेत दिन थालिएको छ ।

You might also like

Comments are closed, but trackbacks and pingbacks are open.