सुर्खेतमा एसईई दिन आएकी एक छात्रा मृत फेला

चैत १३, सुर्खेतमा एसईई परीक्षा दिन आएकी एक छात्रा मृत फेला परेकी छन् । इलाका प्रहरी कार्यालय बाबियाचौरका प्रमुख प्रहरी निरीक्षक सुशोभन श्रेष्ठले दिएको जानकारी अनुसार पञ्चपुरी–३ चौरकी देउकला रोकाया बिहान मृत फेला परेकी हुन् ।

एसईईको परीक्षामा सहभागी हुन उहाँ पञ्चपुरी नगरपालिका ५ कै बावियाचौर डेरा लिएर बस्नु भएको थियो । प्रहरीले छात्राको हत्या भएको आशंका गरेको छ । घटना शंकास्पद रहेकोले अनुसन्धान गरिरहेको श्रेष्ठले जानकारी दिए ।

‘उनको शरीरमा चोटहरु देखिएको छ,’ प्रहरी निरीक्षक श्रेष्ठले भने-‘हामीले अनुसन्धान गरिरहेका छाैँ ।’ ‘पोस्टमर्टमका गर्न शव वीरेन्द्रनगर पठाएका छौं ।’ त्यसपछि मात्रै मृत्युको कारण पत्ता लाग्छ ।’

बिहान परीक्षा दिन जाने क्रममा अबेरसम्म कोठाको ढोका नखुलेपछि स्थानीयहरुले कोठामा गएर हेर्दा मृत अवस्थामा भेटिएको प्रहरीले जनाएको छ । छात्रा सुर्यप्रकाश मावि पलैटे सालकोटमा अध्ययरत थिइन् । पञ्चपुरी नगरपालिकाको विद्याज्योति माध्यमिक विद्यालय पञ्चपुरी – ५ बावियाचौर परीक्षा केन्द्रमा उनले परीक्षा दिइरहेकी थिइन् ।