सलमान जेल गए लगतै कयौं प्रोजेक्टहरु संकटमा, साथै करोडौं रुपैयाँ घाटा

चैत्र २२,बलिउडका चर्चित अभिनेता सलमान खानले सन् १९९८ मा सिकार गरेको कालो हरिण शिकार काण्डमा आज जोधपुरको चीफ जुडिसियल मजिस्ट्रेट कोर्टले दोषी ठहर्‍याएको छ ।

सलमानलाई पाँच वर्षको जेल सजाय र १० हजार भारु जरिवाना लगाइएको छ ।

भने सोहि काण्डको आरोप लागेको अन्य सैफ अलि खान,तम्बु, सोनाली र निलमलाई निर्दोष साबित भएका छन् ।

२० वर्ष पुरानो मुद्दामामा सजाय पाएसँगै सलमानका कयौं प्रोजेक्टहरु संकटमा परेका छन् भने उनलाई करोडौं रुपैयाँ घाटा लागेको छ ।

उनले अभिनय गरिरहेको केही फिल्म र उनलाई लिएर बन्न लागेका फिल्महरु संकटमा पर्ने भारतीय सञ्चारमाध्यमहरुले जनाएका छन् ।

उनको एक प्रोजेक्ट नेपालमा पनि हुन लागेको थियो । जसलाई दबंग टुर नाम दिइएको थियो । १० मार्चमा हुने तय भएको उक्त कार्यक्रम नेत्रविक्रम चन्द नेतृत्वको कम्युनिष्ट पार्टीको विरोधका कारण उनको शो स्थगित भएको थियो । उक्त शोका लागि सोनाक्षी सिन्हा, प्रभु देवा, मनिष पल लगायतका कलाकार उपस्थित हुने भनिएको थियो ।

आयोजक ओडीसी इन्टरनेशनलले झन्डै ५ हजार थान टिकट बेचिइसकेको थियो । तर शो स्थगित भयो ।

सलमान खान र उनको टिमका लागि आयोजकले पाँच करोड दिइसकेका छन् । उनको शो केही समयपछि गर्ने ओडीसीले जनाएको थियो । तर, सलमान खानले हरिण प्रकरणमा पाँच वर्षको जेल सजाय पाएपछि उनको नेपाल टुर अन्यौलमा पर्ने देखिएको छ । उनको शो हेर्नका लागि पैसा दिएकाहरुले केही समयपछि त्यही टिकट बाट हेर्न पाउने आयोजकले जनाएका थिए ।

तर सलमानले स्थानीय अदालतको पाँच वर्ष कैदको फैसलाको जमानतको लागि माथिल्लो अदालत गुहार्न भने सक्नेछन्