आफ्नै फिल्ममार्फत छोरालाई डेब्यु गराउँदै शिव श्रेष्ठ, यस्ता छन् छोरा

वैशाख ३, केहि महिना अघिदेखी चर्चामा रहेको शिव श्रेष्ठले बनाउन लागेको चलचित्र ‘यस्तो एउटा प्रेमकहानी’मा अब उनका छोरा पनि देखिने भएका छन् ।

पहिलोपटक चलचित्रमा निर्माणमा हात हाल्न लागेका शिव श्रेष्ठले दर्जनौँ चर्चित अुनहारहरुको बिचमा आफ्नो छोरा शक्ति श्रेष्ठलाई पनि राख्न लागेको हुन् । शक्ति अस्ट्रेलिया बस्दै आएका थिए ।

शिवको चलचित्र उनको बनाउन लागेको कारणलेमात्र चर्चित नभई रियल जोडीहरु भएको कारण पनि चर्चामा छ । उनको चलचित्रमा बर्षा राउत र संजोग कोईरालाको जोडीको साथमा प्रियंका कार्की र आयुष्मान देशराज जोशीको रियल जोडी देखिनेछ ।

उनीहरुको अलावा चलचित्रमा नरेन खड्का, रेखा फागो, ध्रुव कोईराला, बसुन्धरा भुषाल, शिवानी गिरी लगायतका कलाकारहरुको अभिनय रहनेछ । एक्सनप्रधान चलचित्रमा अहिलेका बहालवाला डिआईजी पवन खरेलको पनि मुख्य भुमिका रहनेछ ।

सुनील कट्वाल, दिनेशकुमार थापा, खुम तामाङ, सुजन गौतम र रामनारायण शाहको सहनिर्माणमा बन्न लागेको चलचित्रलाई दिनेश दर्शधारी र यशोदा राईले संयुक्त रुपमा निर्माण गर्दैछन् ।

भदौमा रिलिज हुने चलचित्रमा बसन्त सापकोटा, अर्जुुन पोखरेल र सन्तोष रजौरेको संगीत, कविराज गहतराज, बसन्त श्रेष्ठ, गोविन्द राई र कमल राईको कोरियोग्राफी रहनेछ भने रोशन भट्टराई द्धन्द निर्देशकको रुपमा रहनेछन् ।