Nepal's First Video FM

‘छक्का पन्जा २’ र ‘सत्रु गते’ यसकारण गरेनन् प्रदिपले ! आफैले खोले एस्तो रहस्य ! पढ्नुहोस

560

नायक प्रदिप खड्का अहिले चलचित्र ‘लिलिबिली’को प्रचारमा दौडिरहेका छन् । यो चलचित्रको सफलतासँगै प्रदिप खड्काको स्टारडम पनि चलचित्र क्षेत्रका बढेको छ । प्रदिप चलचित्र खेल्ने कुरामा निकै चुजी छन् । उनलाई चलचित्रमा काम गराउन त्यती सजिलो छैन । कथावस्तु, भूमिका, नायिकादेखि हरेक कुरा हेरेर मात्र उनी चलचित्र खेल्ने वा नखेल्ने निर्णय गर्छन् ।

प्रदिपले गतबर्षका २ ब्लकबस्टर चलचित्रको अफर अस्विकार गरे । चलचित्र ‘छक्का पन्जा २ र सत्रु गते’को टिमले प्रदिपलाई अफर गरेको थियो । तर, यी दुबै चलचित्रमा उनले काम गरेनन् । आखिर, हाँस्य कलाकारहरुको समुहबाट किन प्रदिप टाढा हुन खोजिरहेका छन् ?

क्लाइमेक्स नभनेकाले ‘छक्का पन्जा २’ गरिन
नायक प्रदिप खड्काले अनलाइनखबरसँग कुरा गर्दै भने-‘छक्का पन्जा २ का लागि निर्माता तथा कलाकार दीपकराज गिरी दाइसँग कुरा भएको थियो । तर, उहाँहरुले मलाई क्लाइमेक्सको कथा सुनाउन नमिल्ने बताएपछि मैले गरिनँ ।’

प्रदिपका अनुसार, चलचित्रको क्लाइमेक्सको स्क्रीप्ट दीपकराजले दिन नमिल्ने बताएपछि उनले यो चलचित्र गरेनन् । यो चलचित्रमा उनलाई मुख्य भूमिकाकै लागि अफर गरिएको थियो । प्रदिपले अगाडि भने-‘आफ्नो भूमिका अन्तिमसम्म के हुन्छ भन्ने नवुझिकन चलचित्र नगर्ने कुरा पनि भएन । अन्तिममा मेरो भूमिका के हुन्छ भन्ने त वुझ्न पर्‍यो नी होइन र ?’

प्रदिपले चलचित्रको क्लाइमेक्स नपाउने भएपछि नगरेको बताउँदै गर्दा चलचित्रका निर्माता तथा कलाकार दीपकराज गिरीले यो कुरा स्विकार गरे । उनले भने-‘हामीले चलचित्रको सबै कथा कलाकारलाई सुनाउँदैनौ । किनकी, पाँचौ सिनमा मर्नुपर्ने दृश्य छ भने कलाकार चौथो सिनदेखि नै मर्न थाल्छ ।’ उनले, आफूले कहिले पनि चलचित्रको पुरै कथा कलाकारलाई सुनाउने नगरेको बताए ।

‘सत्रु गते’ किन गरेनन् ?
नायक प्रदिप खड्काले चलचित्र ‘सत्रु गते’मा पनि काम गरेनन् । चलचित्रका निर्माता मदनकृष्ण श्रेष्ठ र हरिवंश आचार्यले नै उनीसँग कुरा गर्न खोजेका थिए । तर, कुरा हुन सकेन । प्रदिपले भने-‘मलाई उहाँहरुले सम्पर्क गर्न खोज्नुभएको रहेछ । तर, मैले थाहा नै पाइनँ । यस्तै, मलाई मोबाइलमा पनि फोन गर्नुभएको थियो, तर मैले मोबाइल नम्बर परिवर्तन गरेकाले कुरा हुन पाएन ।’

प्रदिपले यो चलचित्रमा काम नगरेपछि नायक पल शाहले यो चलचित्रमा काम गरेका थिए ।

‘रोजी’ के गर्छन् ?
नायक प्रदिप खड्काले अहिले चलचित्र ‘रोजी’मा काम गर्ने चर्चा चलिरहेको छ । तर, प्रदिप अहिले नै यो चलचित्रमा काम गर्ने पक्का नभएको बताउँछन् । चलचित्रमा, जुन नायिकाको नाम अहिले चर्चामा छ, त्यसो भएको खण्डमा आफूले नगर्ने उनले बताए । प्रदिपले भने-‘चलचित्रमा मिस नेपाल जस्तो नायिका चाहिन्छ । यसैले, मैले उहाँहरुलाई त्यो लुक्सको नायिका खोज्न भनिरहेको छु । सबै कुरा मिल्यो भने गर्छु, नत्र गर्दिनँ ।’

प्रदिपले साउनमा चलचित्र ‘भैरवी’मा काम गर्ने बताए । यदि, त्यो अगाडि चलचित्र ‘रोजी’मा काम नगरे निर्माता सन्तोष सेनसँग मिलेर कमेडी चलचित्रमा काम गर्ने प्रदिपको तयारी छ । अहिले, यसको तयारी बेजोडले भैरहेको समेत प्रदिपले जानकारी दिए । प्रदिपले सन्तोषको ब्यानरमा ‘प्रेमगीत र प्रेमगीत २’मा काम गरिसकेका छन् ।

You might also like

Comments are closed.