Nepal's First Video FM

सिन्डिकेट माग्दै अनिश्चितकालीन बन्दको घोषणा, कहिलेबाट ? हेर्नुस् आन्दोलनका कार्यक्रम;

632

वैशाख ५, सरकारले सिन्डकेट खारेज गरेको विरोधमा यातायात व्यवसायीहरुले आन्दोलन घोषणा गरेका छन् । बुधबार पत्रकारसम्मेलन गरेर यातायात व्यवसायीले अनिश्चितकालिन यातायात बन्दको घोषणा गरेका हुन् ।

नेपाल यातायात व्यवसायी राष्ट्रिय महासंघ, नेपाल ट्रक यातायात व्यवसायी महासंघ, नेपाल पेट्रोलियम ढुवानी व्यवसायी महासंघ, ढुवानी व्यवसायी महासंघ, नेपाल पेट्रोलियम डिलर राष्ट्रिय एशोसियसनले संयुक्त रुपमा आन्दोलनको घोषणा गरेका हुन् ।

वैशाख २१ गते घर तथा ग्यारेजमा गाडी थन्काउने र २७ गतेदेखि अनिश्चितकालीन यातायात बन्द गर्ने पहिलो चरणको आन्दोलनको कार्यक्रममा उल्लेख छ । सरकारले यातायात व्यवस्थापन कार्यविधि निदेर्शिका २०६० संशोधन गर्दै सवारी साधनमा रुट नवीकरण र हेरफेर गर्दा अनिवार्य पञ्जीकरण गर्नुपर्ने व्यवस्था गरेको छ ।

जुन व्यवस्थाले मुलुकभर रुट परमिट लिन चाहने व्यवसायीको लागि बाटो खुलेको थियो। लामो समयदेखि लादिएको सिन्डिकेट हटाउन यो व्यवस्था महत्वपूर्ण बन्ने अपेक्षा गरिएको थियो।

त्यस्तै सवारी कम्पनीमा दर्ता हुनुपर्ने, असारदेखि विभिन्न नाममा खडा गरिएका यातायात समिति नवीकरण नहुने लगायतका कामको थालनी भएको थियो । यसबाट व्यवसायीको सिन्डिकेट हट्ने सरकारको विश्वास छ। तर व्यवसायी भने सरकारले गरेको व्यवस्था फिर्ता हुनुपर्ने भन्दै घुँडा टेकाउन आन्दोलनमा जुटेका हुन् ।

You might also like

Comments are closed, but trackbacks and pingbacks are open.