अनमोलको ‘क्याप्टेन’मा दोस्रो हिरोइन प्रियंका, को हुन् उनी ?

अनमोल केसीको नयाँ फिल्म ‘क्याप्टेन’का लागि प्रियंका एमभी फाइनल भएकी छिन् । अभिनेता भुवन केसीले निर्माण गर्न लागेको चलचित्रमा यसअघि उपासना सिंह फाईनल थिइन् भने अब उपासनासँगै प्रियंका एमभी पनि फिल्ममा खेल्ने भएकी छन् ।

एनसेल, डिसहोम र सनब्लकको विज्ञापनमा देखिइसकेकी प्रियंका अहिले ‘क्याप्टेन’को वर्कसपमा व्यस्त छिन् । उनले आनन्द कार्कीको सुनसान रातमा बोलको गीतमा मोडलिङ गरेकी छिन् ।

नायक अनमोलले हरेक फिल्ममा नयाँ नायिकासँग काम गर्ने शैली ल्याएका छन् । त्यसकाकारण निर्माताहरुलाई नयाँ नायिका छान्ने काम चुनौतिपूर्ण नै बन्छ । यसअघि अनमोलले साम्राज्ञी राज्यलक्ष्मी शाह, अदिती बुढाथोकी, आना शर्मा र सृष्टी श्रेष्ठसँग काम गरिसकेका छन् ।

यस पटक भने अनामोलले एकै फिल्ममा दुई नायिकासंग रोमान्स गर्नेछन् । शुक्रबार अनुबन्धित भएपछि प्रियंकाले लामो समयदेखि चलचित्र प्रवेशका लागि सही समय कुरेको र अहिले त्यो समय आएको बताउछिन् ।

इन्स्टाग्राममा फोटो हेरेर निर्माण टीमले बोलाएपछि उनि अडिशनमा गएकी थिइन् । अडिशनबाट सेलेक्ट भएपछि अनमोल केसीसँग काम गर्न पाउनु आफ्नो लागि ठूलो अवसर भएको प्रियंकाले बताएकी छिन् । विद्यालय पढ्दा प्रियंका अनमोल भन्दा एक ब्याच जुनियर थिइन् ।

दिवाकर भट्टराइको निर्देशनमा बन्न लागेको ‘क्याप्टेन’लाई भूवन केसीले निर्माण गर्दैछन् । यो फिल्मका लागि अहिले अनमोल केसी फुटबलको तालिम लिन ब्यस्त छन् ।