छक्का पञ्जा ३’मा दीपिका प्रसाई दीपकको जोडीको रूपमा देखिने

चलचित्र ‘ऐश्वर्य’ बाट सिने नगरीमा डेव्यु गरेकी अभिनेत्री दीपिका प्रसाईलाई चलचित्र ‘छक्का पञ्जा ३’मा दीपकराज गिरीको जोडीको रूपमा देखिने भएको छ ।चलचित्रको कथा अनुसार नै दीपिकालाई फाइनल गरिएको निर्देशक दिपाश्री निरौलाले बताएकी छन् ।

छक्का पञ्जा ३को लागि यसपालि नयाँ अभिनेत्री दीपिका प्रसाई फाइनल भएकी छिन् ।चलचित्रको कथामा बोल्डको साथसाथै सुन्दर नायिका चाहिएको कारण अभिनेत्री दीपिका प्रसाईलाई निर्माण पक्षले छक्का पञ्जा ३मा लिएको जनाईएको छ ।

चलचित्रमा दीपक र दीपिकासँगै प्रियंका कार्की, जितु नेपाल, केदार घिमिरे, बुद्धि तामाङ लगायत कलाकारहरू यथावत् छन् तर यसपालि वर्षा राउत र स्वस्तीमा खड्का भने नदोहोरीने भएका छन् ।निर्माण पक्षको अनुसार चलचित्र आउँदो दसैँमा रिलिज हुने गरी १७ गतेबाट छायाङ्कन सुरु हुदैँछ ।