पाकिस्तानलाई मोदीको चेतावनी: आणविक ‘ब्ल्याकमेल’ सह्य छैन

काठमाडौँ, भारतका प्रधानमन्त्री नरेन्द्र मोदीले आतंकवादको जरा निस्कने गरी कडा कारबाही गरिने चेतावनी दिएका छन्।

सोमबार राति ८ बजे राष्ट्रका नाममा सम्बोधन गर्दै मोदीले भने, “यदि भारतमा आतंकवादी आक्रमण भयो भने उचित जवाफ दिइनेछ। हामी आफ्नै तरिकाले र आफ्नै सर्तमा जवाफ दिनेछौँ। आतंकवादको जरा निस्कने हरेक ठाउँमा हामी कडा कारबाही गर्नेछौँ।’

पाकिस्तानसँग लडाइँ र युद्धविरामपछि पहिलोपटक सोमबार राति राष्ट्रलाई सम्बोधन गर्दै मोदीले भारतमा आतंकवादी आक्रमण भयो भने उचित जवाफ दिइने बताएका हुन्।

पहलगाममा २६ जनाको ज्यान जाने गरी भएको आतंकवादी हमलापछि भारतले मे ६-७ को राति पाकिस्तान र पाकिस्तान प्रशासित कश्मीरमा हवाई आक्रमण गरेको थियो। जसलाई ‘अपरेसन सिन्दूर’ नाम दिइएको थियो।

यसपछि पाकिस्तानले पनि मे १० का दिन जवाफी हमलाको घोषणा गरेको थियो।