मुम्बईलाई हराउँदै पञ्जाब फाइनलमा, उपाधिका लागि बेंग्लुरूसँग खेल्ने

काठमाडौँ, पञ्जाब किंग्स इन्डियन प्रिमियर लिग (आइपिएल)को फाइनल पुगेको छ। गएराति भएको दोस्रो क्वालिफायरमा मुम्बई इन्डियन्सलाई हराउँदै पञ्जाबले फाइनलमा स्थान पक्का गरेको हो।

मुम्बईले दिएको २०४ रनको लक्ष्य पञ्जाबले ५ विकेट गुमाएर ६ बल बाँकी छँदै पूरा गर्‍यो। पञ्जाबका लागि कप्तान श्रीयास ऐयरले नट आउट ८७ रन बनाए। उनले ४१ बलमा ५ चौका र ८ छक्का हाने।

अब पञ्जाबले उपाधिका लागि रोयल च्यालेन्जर्स बेंग्लुरूसँग खेल्नेछ।