वैशाख १९, सुन्धारा, नयाबानेश्वर रुट ट्याम्पो चलाउने २१ वर्षिया युवतीको नाम हो रविना गौतम । उनको स्थायी घर काभ्रेको पनौती हो । काभ्रेको एक सामुदायिक विद्यालयबाट एसएलसी पास गरेकी उनी काठमाडौं छिरेको ६ बर्ष बित्यो ।
कक्षा ११ र १२ को परिक्षामा राम्रो अंक नआएपछि जागिरका लागि काठमाडौं छिरेकी गौतमको अहिलेको दैनिकी ट्याम्पो चलाएर बितेको छ । कलेज पढ्ने साथीभाईहरुसँग मोज मस्ती गर्ने उमेरमा ट्याम्पो चलाउने उनको रहर त कहाँ होर ? अनि बाध्यताले पनि उनलाई ट्याम्पो चालक बनाएको होइन ।
उनी भन्छिन्-‘आफै कमाएर खान,लगाउन पुगोस् भन्ने सोचले ट्याम्पो चालकका रुपमा स्थापित गरायो । जागिरका लागि काठमाडौंको २/४ ठाउँमा गए तर ८/१० हजार तलब मलाई चित्त बुजेन । आखिर पैसा नै कमाउन त आफै व्यवसाय खोल्नु पर्छ लाग्यो र ट्याम्पो चलाउन थाले ।’
नयाबानेश्वरमा आफ्ना दिदी र दाईसँग बस्ने गौतमले सुन्धारा, नयाबानेश्वर रुटमा ट्याम्पो चलाउन थालेको १ बर्ष भयो । नयाबानेश्वरकै एक ड्राईभिङ सेन्टरमा ट्याम्पो सिक्न थालिन तर, ट्याम्पो सिक्न गौतमलाई १ महिना भन्दा धेरै समय लागेन । हेर्नुस् केन्द्रबिन्दु टिभीले लिएको उनको पुरा भिडियो;
Comments are closed.