मोदीकै अगाडी मुख्यमन्त्री राउतले गरे मधेसका जनताको बेइज्जत, अझ यस्तो निवेदन सुनाउन समेत भ्याए

वैशाख २८, नेपाल भ्रमणका क्रममा जनकपुरमा रहेका भारतीय प्रधानमन्त्री नरेन्द्रका अगाडि मधेसका जनता धेरै गरिब रहेको भन्दै प्रदेश २ का मुख्यमन्त्री लालबाबु राउतले मधेसकै जनताको ‘बेइज्जत’ गरेका छन् ।

मोदीको नागरिक अभिनन्दनका लागि जनकपुरका बाह्र बिघा मैदानमा आयोजित कार्यक्रममा बोल्दै मुख्यमन्त्री राउतले मधेस आर्थिक रुपमा अन्यन्तै पछाडि रहेको बताए । उनले मधेसका जनता तुलनात्मक रुपमा अत्यन्तै गरीब, शोषित र पीडित रहेको पनि मोदीसमक्ष ‘निवेदन’ सुनाए ।

उनले मोदीका अगाडि संविधानको बारेमा पनि विवादस्पद अभिव्यक्ति दिए । उनले संविधानलाई ‘विभेदकारी’ भन्दै संविधान र प्रादेशिक अधिकारका लागि संघर्ष जारी रहेको बताए ।