नेपाल टेलिकमको डाटा सेवा प्रयोग गर्ने एक करोड एक लाख ५४ हजार पुगे

जेठ ८, नेपाल टेलिकमको डाटा सेवाका प्रयोगकर्ता एक करोड एक लाख ५४ हजार पुगेका छन् ।

कम्पनीले हालै प्रकाशित गरेको पछिल्लो तथ्यांक अनुसार जिएसएम डाटा सेवाका प्रयोगकर्ता ९७ लाख ९५ हजार १ सय, सिडिएमए डाटा सेवाका प्रयोगकर्ता एक लाख ३६ हजार ५ सय, वाइम्याक्स सेवाका १७ हजार र एडिएसएलका एक लाख ९९ हजार ७ सय प्रयोगकर्ता रहेको टेलिकमले मंगलबार विज्ञप्ति मार्फत जनाएको हो ।

विस २०७४ असार मसान्तसम्ममा कम्पनीको डाटा सेवाका ग्राहक आधार ८४ लाख २५ हजार ८ सय ९४ रहेकामा २०७४ चैत अन्त्यसम्ममा उक्त संख्या बढेर एक करोड एक लाख ५४ हजार पुगेको छ ।

विसं २०७४ असारसम्मको ग्राहक आधारको तुलनामा चालू आर्थिक वर्षको नौ महिनामा कम्पनीको डाटा सेवाका ग्राहक आधार २०.५१ प्रतिशतले वृद्धि भएको कम्पनीले जनाएको छ ।

रिपोर्टअनुसार २०७४ चैत मसान्तसम्म नेपाल टेलिकमका फोरजी डाटा प्रयोगकर्ता पाँच लाख ५९ हजार १ सय ७२ छन् । गत २०७४ चैत महिनाको अन्त्यसम्ममा नेपाल टेलिकमको टेलिफोन सेवाका ग्राहक आधार एक करोड ९३ लाख २२ हजार ८ सय ५५ रहेको छ ।

जिएसएम मोबाइल सेवाका ग्राहक एक करोड ६९ लाख ४४ हजार ५ सय ३९, सिडिएमए सेवाका ग्राहक १६ लाख ८८ हजार ३ सय ५१ तथा पिएसटिएन टेलिफोन सेवाका ग्राहक छ लाख ८९ हजार ३ सय ७३ रहेका छन् । रासस